ನಿಮ್ಮ ಮನೇಲಿ ಈ ಪಾತ್ರೆ ಬಳಸ್ತೀರಾ ಇದ್ರೆ.. ಮೊದಲು ಬಿಸಾಕಿ ಆರೋಗ್ಯದ ಅಸಲಿ ಗುಟ್ಟು ಇಲ್ಲಿದೆ.

ಇವತ್ತು ನಾನೊಂದು ಭಾರಿ ಮುಖ್ಯವಾದ ವಿಚಾರನ ನಿಮ್ಮ ಮುಂದೆ ತಂದಿದ್ದೀನಿ. ನಾವೆಲ್ಲಾ ದುಡಿಯೋದು ಯಾವುದಕ್ಕೆ ಹೇಳಿ? ಎರಡು ಹೊತ್ತಿನ ನೆಮ್ಮದಿಯ ಊಟಕ್ಕೆ ತಾನೇ? ಆದರೆ, ನಾವು ತಿನ್ನೋ ಆ ಊಟನೇ ನಮಗೆ ವಿಷ ಆಗ್ತಾ ಇದೆ ಅಂದ್ರೆ ನೀವು ನಂಬ್ತೀರಾ?

ಇತ್ತೀಚಿನ ದಿನಗಳಲ್ಲಿ ನಮ್ಮ ಊಟದ ಪದ್ಧತಿಗಳು ಪೂರ್ತಿ ಬದಲಾಗಿಬಿಟ್ಟಿವೆ. ಹಿಂದೆಲ್ಲಾ ನಮ್ಮ ಹಿರಿಯರು ರೊಟ್ಟಿ, ಮುದ್ದೆ, ಸೊಪ್ಪು-ಸದೆ, ಕಾಳು-ಕಡ್ಡಿ ತಿಂದ್ಕೊಂಡು ಕಲ್ಲಿನಂಗಿದ್ರು. ಆದರೆ ಈಗಿನ ಕಾಲದ ಊಟ, ಪಾತ್ರೆಗಳು ನಮ್ಮನ್ನ ದಿನ ಬೆಳಗಾದ್ರೆ ಆಸ್ಪತ್ರೆ ಕಡೆಗೆ ಎಳಕೊಂಡು ಹೋಗ್ತಿವೆ.

ದೊಡ್ಡ ದೊಡ್ಡ ಆಸ್ಪತ್ರೆಗಳಿಗೆ ಹೋಗಿ ಸಾವಿರಾರು ರೂಪಾಯಿ ಸುರಿಯೋ ಬದಲು, ನಮ್ಮ ಮನೆಯಲ್ಲೇ ನಾವು ಮಾಡುವ ಸಣ್ಣಪುಟ್ಟ ತಪ್ಪುಗಳನ್ನ ತಿದ್ದಿಕೊಂಡರೆ ನಾವೇ ನೂರು ಕಾಲ ಗಟ್ಟಿಯಾಗಿರಬಹುದು.

ಬನ್ನಿ, ಇವತ್ತು ನಮ್ಮ ನಾಡಿನ ದೊಡ್ಡ ಆರೋಗ್ಯ ತಜ್ಞರೊಬ್ಬರು ಹೇಳಿದ ಕೆಲವು ಬಂಗಾರದಂಥ ಮಾತುಗಳನ್ನ ನಮ್ಮ ಹಳ್ಳಿಯ ಭಾಷೆಯಲ್ಲೇ, ನಿಮಗೆ ಅರ್ಥ ಆಗೋ ಹಾಗೆ ಸರಳವಾಗಿ ಹೇಳ್ತೀನಿ. ದಯವಿಟ್ಟು ಎಲ್ಲರೂ ಒಂದು ಐದು ನಿಮಿಷ ಬಿಡುವು ಮಾಡಿಕೊಂಡು ಇದನ್ನ ಓದಲೇಬೇಕು.

ಮಕ್ಕಳಿಗೆ ಓದಿದ್ದು ತಲೇಲಿ ಉಳಿಬೇಕಾ?

ಅಯ್ಯೋ ನಮ್ಮ್ ಮಗನ್ಗೆ ತಲೇನೇ ಇಲ್ಲ, ಓದಿದ್ದೆಲ್ಲಾ ಪರೀಕ್ಷೆ ಟೈಮಲ್ಲಿ ಮರೆತುಬಿಡ್ತಾನೆ ಅಂತ ನಮ್ಮೂರಿನ ಅಮ್ಮಂದಿರು ಯಾವಾಗ್ಲೂ ಕೊರಗ್ತಾ ಇರ್ತಾರೆ. ಹೌದಲ್ವಾ?

ಮಕ್ಕಳ ತಲೆ ಚುರುಕಾಗೋಕೆ ಟಿವಿಯಲ್ಲಿ ಬರೋ ಬಣ್ಣ ಬಣ್ಣದ ಡಬ್ಬಿ ಪೌಡರ್‌ಗಳು ಬೇಕಿಲ್ಲ ಕಣ್ರೀ. ಇಲ್ಲಾಂದ್ರೆ ಸಾಲ ಮಾಡಿಯಾದ್ರು ಕಾಸ್ಟ್ಲಿ ಬಾದಾಮಿ, ಪಿಸ್ತಾ ತಂದು ತಿನ್ನಿಸಬೇಕು ಅನ್ನೋದು ಸುಳ್ಳು.

ನಮ್ಮ ಹಿತ್ತಲಲ್ಲಿ, ಗದ್ದೆ ಬದುವಿನಲ್ಲಿ ಬೆಳೆಯೋ ಸೊಪ್ಪು, ತರಕಾರಿಗಳೇ ಮಕ್ಕಳಿಗೆ ಅಸಲಿ ಸಂಜೀವಿನಿ. ದಿನಕ್ಕೆ ಮೂರು ತರಹದ ತರಕಾರಿಗಳನ್ನ ಮಕ್ಕಳಿಗೆ ಕಡ್ಡಾಯವಾಗಿ ಉಣ್ಣಿಸಬೇಕು. ಅದರಲ್ಲಿ ಒಂದು ಹೊತ್ತಾದ್ರು ಸೊಪ್ಪಿನ ಪಲ್ಯನೋ, ಸಾರೋ ಇರಲೇಬೇಕು.

ಸೊಪ್ಪು ತಿಂದ್ರೆ ಏನಾಗುತ್ತೆ ಗೊತ್ತಾ? ಇಲ್ಲಿದೆ ನೋಡಿ ಅಸಲಿ ಗುಟ್ಟು:

ಸೊಪ್ಪಿನಲ್ಲಿ ಕಬ್ಬಿಣದ ಅಂಶ (Iron) ಭಾರಿ ಪ್ರಮಾಣದಲ್ಲಿ ಇರುತ್ತೆ.
ಇದು ಮಕ್ಕಳ ಮೈಯಲ್ಲಿ ರಕ್ತದ ಅಂಶ (Hemoglobin) ಹೆಚ್ಚಿಸುತ್ತೆ.
ರಕ್ತ ಚೆನ್ನಾಗಿದ್ರೆ ತಾನೇ ಓದಿದ್ದು ತಲೇಲಿ ಉಳಿಯೋದು? ಮಿದುಳು ಚುರುಕಾಗೋದು?
ಸೊಪ್ಪಿನಲ್ಲಿರೋ ನಾರಿನಂಶ ಹೊಟ್ಟೆಯಲ್ಲಿದ್ದ ಬ್ಯಾಕ್ಟೀರಿಯಾಗಳಿಗೆ ಖುಷಿ ಕೊಟ್ಟು, ತಿಂದ ಊಟ ಚೆನ್ನಾಗಿ ಜೀರ್ಣ ಆಗುತ್ತೆ.

ನಮ್ಮ ಮಕ್ಕಳು ಸೊಪ್ಪು ಕಂಡ್ರೆ ಮಾರು ದೂರ ಓಡ್ತಾರೆ, ಏನ್ ಮಾಡೋದು? ಅಂತ ತಲೆ ಕೆಡಿಸ್ಕೊಬೇಡಿ. ಅದಕ್ಕೂ ಒಂದು ನಾಟಿ ಉಪಾಯ ಐತೆ.ಚಪಾತಿ ಹಿಟ್ಟು ಕಲಸುವಾಗ ಸ್ವಲ್ಪ ಮೆಂತ್ಯ ಸೊಪ್ಪು ಸೇರಿಸಿ ಕೊಡಿ. ಇಲ್ಲಾಂದ್ರೆ ಬಿಸಿ ಅನ್ನಕ್ಕೆ ಪುದೀನಾ, ಕರಿಬೇವಿನ ಚಟ್ನಿ ಮಾಡಿ ಉಣ್ಣಿಸಿ.

ಇನ್ನೊಂದು ಭಾರಿ ಉಪಾಯ ಅಂದ್ರೆ, ಒಂದಷ್ಟು ದಂಟಿನ ಸೊಪ್ಪು, ಹುಳಿ ಸೊಪ್ಪು ಎರಡನ್ನೂ ಚೆನ್ನಾಗಿ ತೊಳೆದು, ಮಿಕ್ಸಿಗೆ ಹಾಕಿ ಹಸಿರು ರಸ ತೆಗೆಯಿರಿ.ಆ ರಸಕ್ಕೆ ಸ್ವಲ್ಪ ಜೇನುತುಪ್ಪ, ಒಂದೇ ಒಂದು ಚಿಟಿಕೆ ಉಪ್ಪು ಹಾಕಿ ಕಲೆಸಿ ಕುಡಿಸಿ. ಇದು ಎಂಥದ್ದೇ ರಕ್ತಹೀನತೆ (Anemia) ಇದ್ರೂ ಓಡಿಸುವ ನಮ್ಮೂರ ಅಸಲಿ ಟಾನಿಕ್! ಒಮ್ಮೆ ಮಕ್ಕಳಿಗೆ ಕೊಟ್ಟು ನೋಡಿ, ಆಮೇಲೆ ನೀವೇ ಹೇಳ್ತೀರಾ.

ಇದನ್ನೂ ಓದಿ: ನಾಟಿ ಕೋಳಿ ಸಾಕಾಣಿಕೆ: ಬರೀ ಮೊಟ್ಟೆ ಮಾರಿ ದಿನಕ್ಕೆ 5 ಸಾವಿರ ಗಳಿಸೋದು ಹೆಂಗೆ ಅಂತೀರಾ? ನಮ್ಮ ಹಳ್ಳಿ ರೈತನ ಈ ಕಥೆ ಓದಿ!

ದಿನಕ್ಕೆ ಐದು ಹಣ್ಣು ತಿಂದ್ರೆ ಡಾಕ್ಟರ್ ಮನೆಗೆ ಹೋಗೋದೆ ಬೇಡ

ಇನ್ನು, ಹಣ್ಣುಗಳ ವಿಚಾರಕ್ಕೆ ಬರೋಣ. ದಿನಕ್ಕೆ ಐದು ಬೇರೆ ಬೇರೆ ಹಣ್ಣುಗಳನ್ನ ಮಕ್ಕಳಿಗೆ ಕೊಡಬೇಕು ಅಂತಾರೆ ತಜ್ಞರು. ಅಯ್ಯೋ, ದಿನಕ್ಕೆ ಐದು ಹಣ್ಣು ಕೊಡೋಕೆ ನಾವೇನು ಸಾಹುಕಾರ್ರಾ? ರೇಟ್ ಕೇಳಿದ್ರೆ ತಲೆ ತಿರುಗುತ್ತೆ ಅಂತ ದೂರುತ್ತೀರಾ? ನಾವು ದುಡಿಯೋದು ಯಾರಿಗಾಗಿ? ನಮ್ಮ ಮಕ್ಕಳ ಭವಿಷ್ಯಕ್ಕಾಗಿ ತಾನೇ? ಅವರ ಹೊಟ್ಟೆಗೆ ಹಾಕದೆ ಇನ್ನೆಲ್ಲಿ ಕೂಡಿಡ್ತೀರಾ?

ಐದು ಹಣ್ಣು ಅಂದ್ರೆ, ಒಬ್ಬರೇ ಐದು ಹಣ್ಣು ತಿನ್ನಬೇಕು ಅಂತಲ್ಲ.
ಒಂದು ಸೇಬು ತಂದ್ರೆ, ಮನೆಯಲ್ಲಿರೋ ಅಪ್ಪ, ಅಮ್ಮ, ಮಗ, ಮಗಳು ತಲಾ ಒಂದು ಹೋಳು ತಿಂದ್ರು ಸಾಕು.
ಹಣ್ಣಿನ ಒಂದಂಶ ಹೊಟ್ಟೆ ಸೇರಿದ್ರೂ ಸಾಕು, ಆರೋಗ್ಯಕ್ಕೆ ಬಹಳ ಒಳ್ಳೇದು.

ಆದರೆ, ಯಾವಾಗ್ಲೂ ನಮ್ಮ ಊರಲ್ಲಿ ಬೆಳೆಯೋ ಸೀಬೆಕಾಯಿ, ಬಾಳೆಹಣ್ಣು, ನೇರಳೆಹಣ್ಣು, ಎಳಚಿ ಹಣ್ಣುಗಳಿಗೆ ಹೆಚ್ಚಿನ ಬೆಲೆ ಕೊಡಿ. ಸೀಮೆಗೊಬ್ಬರ ಹಾಕಿ ಬೆಳೆದ, ನೋಡೋಕೆ ಕೆಂಪಗಿರೋ ವಿದೇಶಿ ಹಣ್ಣುಗಳು ನಮ್ಮ ದೇಹಕ್ಕೆ ಅಷ್ಟು ಒಗ್ಗೋದಿಲ್ಲ.

ಮತ್ತೊಂದು ಬಹಳ ಮುಖ್ಯವಾದ ಮಾತು ಕೇಳಿ. ಹಣ್ಣನ್ನ ತಿನ್ನೋ ಸರಿಯಾದ ವಿಧಾನ ಅಂದ್ರೆ, ಚೆನ್ನಾಗಿ ತೊಳೆದು ಸಿಪ್ಪೆ ಸಮೇತ ಹಲ್ಲಿನಿಂದ ಕಚ್ಚಿ ತಿನ್ನಬೇಕು. ಸೇಬಿನ ಹಣ್ಣಿನ ಅಸಲಿ ತಾಕತ್ತು ಇರೋದೇ ಆ ಕೆಂಪು ಸಿಪ್ಪೆಯಲ್ಲಿ. ಒಳಗಿರೋ ತಿರುಳು ಬರೀ ನಾಲಿಗೆ ರುಚಿಗೆ ಮಾತ್ರ. ದ್ರಾಕ್ಷಿ ಹಣ್ಣಿನ ಸಿಪ್ಪೆಯಲ್ಲೇ ಕ್ಯಾನ್ಸರ್ ಬರದೇ ಇರೋ ಹಂಗೆ ತಡೆಯೋ ಶಕ್ತಿ ಇರೋದು.

ರಸ ತೆಗೆದು ಕುಡಿಯೋದು ಮಧ್ಯಮ. ಇನ್ನು, ಹಣ್ಣಿಗೆ ಸಕ್ಕರೆ ಹಾಕಿ ಫ್ರೂಟ್ ಸಲಾಡ್, ಅಂತ ಮಾಡಿ ತಿನ್ನೋದು ಕೆಟ್ಟದ್ದು. ಹಣ್ಣಿನ ಜೊತೆ ಹಾಲು, ಸಕ್ಕರೆ ಸೇರಿಸಿದರೆ ಅದು ಬೊಜ್ಜು ಬೆಳೆಸುತ್ತೆ ಹೊರತು ಆರೋಗ್ಯ ಕೊಡಲ್ಲ. ಹಣ್ಣನ್ನ ಬರೀ ಹೊಟ್ಟೆಯಲ್ಲಿ ತಿಂದರೆನೇ ಅದರ ಪೂರ್ತಿ ಲಾಭ ಸಿಗೋದು.

ಕುಡಿಯೋ ನೀರಿಗೂ ಉಂಟು ಲೆಕ್ಕಾಚಾರ

ನಮ್ಮ ಮೈಯಲ್ಲಿ ಮುಕ್ಕಾಲು ಪಾಲು ನೀರೇ ತುಂಬೈತೆ ಕಣ್ರಪ್ಪ. ನೀರಿಲ್ಲ ಅಂದ್ರೆ ಪ್ರಾಣಪಕ್ಷಿ ಹಾರಿಹೋದಂಗೆ ಲೆಕ್ಕ. ನಾವು ಬದುಕಿರೋದೇ ಈ ನೀರಿನ ಗುಟುಕಿನ ಮೇಲೆ. ಒಬ್ಬ ಮನುಷ್ಯ ದಿನಕ್ಕೆ ಕಮ್ಮಿ ಅಂದ್ರೂ ಎರಡು ಲೀಟರ್ ಶುದ್ಧವಾದ ನೀರು ಕುಡಿಯಲೇಬೇಕು.

ಆದರೆ ಇಲ್ಲಿ ಒಂದು ಭಾರಿ ಮುಖ್ಯವಾದ ಲೆಕ್ಕ ಇದೆ:

ಈ ೨ ಲೀಟರ್ ಲೆಕ್ಕಕ್ಕೆ ನಿಮ್ಮ ಬೆಳಗಿನ ಕಾಫಿ, ಟೀ ಸೇರಲ್ಲ.
ನೀವು ಕುಡಿಯೋ ಜ್ಯೂಸು, ಮಜ್ಜಿಗೆ, ಎಳನೀರು ಕೂಡ ಲೆಕ್ಕಕ್ಕೆ ಬರಲ್ಲ.
ಅವೆಲ್ಲಾ ಬಿಟ್ಟು, ಬರೀ ಶುದ್ಧವಾದ ನೀರನ್ನೇ ಎರಡು ಲೀಟರ್ ಕುಡಿಯಬೇಕು.
ಇನ್ನು ಬಿಸಿಲಲ್ಲಿ ದುಡಿಯೋರು, ಆಟವಾಡೋ ಮಕ್ಕಳು ಇನ್ನೂ ಸ್ವಲ್ಪ ಜಾಸ್ತಿನೇ ಕುಡಿಯಬೇಕು.

ಇನ್ನು ನಮ್ಮ ಮನೆಯಲ್ಲಿರೋ ವಯಸ್ಸಾದ ಅಜ್ಜ-ಅಜ್ಜಿಯರ ಬಗ್ಗೆ ನಾವು ಭಾರಿ ನಿಗಾ ಇಡಬೇಕು.ವಯಸ್ಸಾದ ಮೇಲೆ, ಮೈಯಲ್ಲಿ ನೀರು ಕಮ್ಮಿ ಆದ್ರೂ ಅವರಿಗೆ ಬಾಯಾರಿಕೆ ಅನ್ನಿಸೋದಿಲ್ಲ.

ಮಿದುಳು ಅವರಿಗೆ “ನೀರು ಕುಡಿಯಪ್ಪ” ಅಂತ ಹೇಳೋದನ್ನೇ ಮರೆತುಬಿಡುತ್ತೆ ಅಂದ್ರೆ ನಂಬ್ತೀರಾ? ಅದಕ್ಕೆ, ನೀವೇ ಆಗಾಗ ನೆನಪು ಮಾಡಿ ನೀರು ಕುಡಿಸಬೇಕು. ಬೇಕಿದ್ರೆ ಪ್ರತಿ ಮೂರು ಗಂಟೆಗೊಮ್ಮೆ ಮೊಬೈಲಲ್ಲಿ ಅಲ್ಯಾರಂ ಇಟ್ಟುಕೊಂಡಾದರೂ ನೀರು ಕೊಡಿ.

ಇಲ್ಲಾಂದ್ರೆ ಅವರ ಮೈ ಒಣಗಿಹೋಗಿ ಕಾಯಿಲೆ-ಕಸಾಲೆಗಳು ಶುರುವಾಗುತ್ತೆ. ಈಗಂತೂ ನಮ್ಮೂರ ಶಾಲೆಗಳಲ್ಲೂ ಮಕ್ಕಳಿಗೆ ನೀರು ಕುಡಿಯೋಕೆ ಅಂತಾನೆ ಒಂದು ಗಂಟೆ ಹೊಡೆಯೋ ವ್ಯವಸ್ಥೆ ಮಾಡಿದ್ದಾರೆ. ಇದಂತೂ ಭಾರಿ ಒಳ್ಳೇ ಕೆಲ್ಸ ಬಿಡಿ!

ಹೊಳೆಯೋ ಅಲ್ಯೂಮಿನಿಯಂ ಪಾತ್ರೆ: ಮನೆಗೆ ಬಂದ ಯಮ!

ಇದೊಂದು ಭಾರಿ ಮುಖ್ಯವಾದ ವಿಚಾರ ಕಣ್ರಪ್ಪ, ದಯವಿಟ್ಟು ಸ್ವಲ್ಪ ಕಿವಿಕೊಟ್ಟು ಕೇಳಿ. ಹಿಂದೆಲ್ಲಾ ನಮ್ಮ ಅಜ್ಜಿಯರು ಮಣ್ಣಿನ ಮಡಕೆಯಲ್ಲೇ ಅಡುಗೆ ಮಾಡ್ತಿದ್ರು. ಆ ಒಲೆ ಮೇಲಿನ ಮಡಕೆಯಲ್ಲಿ ಬೆಂದ ಅನ್ನದ ಘಮಘಮ ಸುವಾಸನೆ, ಆ ರುಚಿನೇ ಬೇರೆ ಬಿಡಿ. ಆಗಿನ ಕಾಲದ ಜನರ ಆರೋಗ್ಯನೂ ಕಲ್ಲಿನಂಗೆ ಗಟ್ಟಿಯಾಗಿರ್ತಿತ್ತು.

ಆದರೆ ಈಗ ಏನಾಗಿದೆ? ಎಲ್ಲರ ಮನೆಗೂ ಈ ಅಲ್ಯೂಮಿನಿಯಂ (ನಮ್ಮೂರ ಕಡೆ ಸಿಲ್ವರ್ ಅಂತಾರಲ್ಲ) ಪಾತ್ರೆಗಳು ಲಗ್ಗೆ ಇಟ್ಟಿವೆ. ಅದು ನೋಡೋಕೆ ಬೆಳ್ಳಿ ತರ ಹೊಳೆಯುತ್ತೆ, ಬೆಲೆನೂ ಕಮ್ಮಿ, ಬೆಳಗೋಕೂ ಸುಲಭ ಅಂತ ನಾವೆಲ್ಲಾ ಅದಕ್ಕೆ ಅಂಟಿಕೊಂಡಿದ್ದೀವಿ. ಆದ್ರೆ ಹಂಗೆ ಮೋಸ ಹೋಗಬೇಡಿ!

ಅಲ್ಯೂಮಿನಿಯಂ ಪಾತ್ರೆಯಲ್ಲಿ ಅಡುಗೆ ಮಾಡಿದ್ರೆ ಏನಾಗುತ್ತೆ ಗೊತ್ತಾ?

ಈ ಪಾತ್ರೆಯಲ್ಲಿ ಅಡುಗೆ ಮಾಡುವಾಗ, ಅದರಲ್ಲೂ ಹುಳಿ ಸಾರು, ಟೊಮೆಟೊ, ಇಲ್ಲ ನಿಂಬೆಹಣ್ಣು ಹಾಕಿದಾಗ ದೊಡ್ಡ ಅಪಾಯ ಶುರುವಾಗುತ್ತೆ.
ಆ ಹುಳಿಗೆ ಪಾತ್ರೆಯ ಅಂಶ ಕರಗಿ (ಇದನ್ನ Leaching ಅಂತಾರೆ) ನಮ್ಮ ಊಟದ ಜೊತೆ ಸೇರಿ, ಸೀದಾ ನಮ್ಮ ಹೊಟ್ಟೆ ಸೇರುತ್ತೆ.
ಅಲ್ಲಿಂದ ಅದು ನೇರವಾಗಿ ನಮ್ಮ ಮಿದುಳಿಗೆ ಹೋಗಿ ಕೂತು, ವಯಸ್ಸಾದ ಮೇಲೆ ಜ್ಞಾಪಕ ಶಕ್ತಿ ಕಳೆದುಕೊಳ್ಳೋ (ಆಲ್ಝೈಮರ್) ದೊಡ್ಡ ಕಾಯಿಲೆಗೆ ದಾರಿ ಮಾಡಿಕೊಡುತ್ತೆ.

ತಾಮ್ರ, ಹಿತ್ತಾಳೆಯಲ್ಲಿ ಹಾಲು ಕಾಯಿಸ್ತಾ ಇದ್ದೀರಾ? ಹುಷಾರ್!

ಇನ್ನು ಕೆಲವರು ಹಾಲನ್ನ ತಾಮ್ರ, ಹಿತ್ತಾಳೆ ಪಾತ್ರೆಗಳಲ್ಲಿ ಕಾಯಿಸ್ತಾರೆ. ದಯವಿಟ್ಟು ಯಾವತ್ತೂ ಆ ತಪ್ಪು ಮಾಡ್ಬೇಡಿ. ಹಿಂದೆಲ್ಲಾ ನಮ್ಮೂರ ಕಡೆ ಒಂದೆರಡು ವರ್ಷದ ಸಣ್ಣ ಮಕ್ಕಳಿಗೆ ಹೊಟ್ಟೆ ಊದಿಕೊಳ್ಳೋ ಮಾರಕ ಕಾಯಿಲೆ ಬರ್ತಿತ್ತು.

ಯಾಕಪ್ಪಾ ಹಿಂಗಾಯ್ತು ಅಂತ ದೊಡ್ಡ ಡಾಕ್ಟರ್‌ಗಳು ಹುಡುಕಿದಾಗ, ಈ ತಾಮ್ರ ಮತ್ತು ಹಿತ್ತಾಳೆ ಪಾತ್ರೆಯಲ್ಲಿ ಹಾಲು ಕಾಯಿಸಿ ಕುಡಿಸಿದ್ದೇ ಅಸಲಿ ಕಾರಣ ಅಂತ ಗೊತ್ತಾಯ್ತು.

ಆ ಪಾತ್ರೆಯ ಅಂಶ ಹಾಲಿನಲ್ಲಿ ಸೇರಿ, ಮಕ್ಕಳ ಲಿವರ್‌ಗೆ ಭಾರಿ ಪೆಟ್ಟು ಕೊಡ್ತಿತ್ತು. ಜನ ಆ ಪಾತ್ರೆ ಬಳಸೋದು ನಿಲ್ಲಿಸಿದ ಮೇಲೆಯೇ ಆ ಕಾಯಿಲೆ ನಮ್ಮೂರನ್ನ ಬಿಟ್ಟು ಓಡಿದ್ದು.

ಹಾಗಾದ್ರೆ ಅಡುಗೆಗೆ ಯಾವ ಪಾತ್ರೆ ಒಳ್ಳೇದು?

ಮೊದಲನೇ ಸ್ಥಾನ: ಮಣ್ಣಿನ ಮಡಕೆ. ಇದಕ್ಕಿಂತ ಶ್ರೇಷ್ಠವಾದದ್ದು ಈ ಜಗತ್ತಿನಲ್ಲಿ ಇನ್ನೊಂದಿಲ್ಲ.
ಎರಡನೇ ಸ್ಥಾನ: ಸ್ಟೀಲ್ ಪಾತ್ರೆ.
ಇವೆರಡನ್ನು ಹೊರತುಪಡಿಸಿ, ಮೂರನೇ ಸ್ಥಾನದಲ್ಲಿ ಬೇರೆ ಯಾವ ಪಾತ್ರೆನೂ ಅಡುಗೆಗೆ ಯೋಗ್ಯವಲ್ಲ.

ಇದನ್ನೂ ಓದಿ: ನಮ್ಮ ದೇಸಿ ಹಸು ಅಂದ್ರೆ ಬರೀ ಹಾಲಲ್ಲ ಅದರ ಸಗಣಿ-ಗಂಜಲದಾಗೆ ಅಡಗಿರೋ ಕೋಟಿ ಬೆಲೆಯ ಕರಾಮತ್ತು ಕೇಳಿದ್ರೆ ನೀವೇ ದಂಗಾಗ್ತೀರಾ!

ಕೋಳಿ ಮೊಟ್ಟೆ ತಿಂದ್ರೆ ಒಳ್ಳೇದಾ? ಕೆಟ್ಟದ್ದಾ

ಇತ್ತೀಚೆಗೆ ಕೋಳಿ ಮೊಟ್ಟೆ ಬಗ್ಗೆ ಊರಲ್ಲೆಲ್ಲಾ ಬರೀ ಗುಸುಗುಸುನೇ ಕಣ್ರೀ. ಮೊಟ್ಟೆ ತಿಂದ್ರೆ ಕ್ಯಾನ್ಸರ್ ಬರುತ್ತಂತೆ, ಅದೇನೋ ಕಾಯಿಲೆ ಬರುತ್ತಂತೆ ಅಂತ ವಾಟ್ಸಾಪ್‌ಗಳಲ್ಲಿ ಬರೋ ಮೆಸೇಜ್ ನೋಡಿ ಜನ ಸುಮ್ನೆ ಭಯ ಪಡ್ತಾರೆ. ಆದರೆ, ಅಸಲಿ ವಿಷಯ ಏನಪ್ಪಾ ಅಂದ್ರೆ:

ತಜ್ಞರು ಹೇಳೋ ಪ್ರಕಾರ ಬೆಳೆಯುವ ಮಕ್ಕಳಿಗೆ ಪ್ರತಿದಿನ ಕನಿಷ್ಠ ಒಂದು ಮೊಟ್ಟೆ ಕೊಡೋದು ಬಹಳ ಒಳ್ಳೇದು.
ಮಕ್ಕಳು ಹೇಗೆ ಇಷ್ಟಪಡ್ತಾರೋ ಹಾಗೆ ಕೊಡಿ. ಬೇಯಿಸಿ ಕೊಡಿ, ಅಥವಾ ಆಮ್ಲೆಟ್ ಆದ್ರೂ ಮಾಡಿ ಕೊಡಿ.
ಮಕ್ಕಳು ಮೊಟ್ಟೆಯ ಬಿಳಿ ಹಾಗೂ ಹಳದಿ ಎರಡೂ ಭಾಗವನ್ನ ತಿನ್ನಬಹುದು, ಅದರಿಂದ ಅವರ ಬೆಳವಣಿಗೆಗೆ ಒಳ್ಳೇದಾಗುತ್ತೆ.

ಆದರೆ, ದೊಡ್ಡವರ ವಿಚಾರಕ್ಕೆ ಬಂದ್ರೆ ಲೆಕ್ಕಾಚಾರ ಬೇರೆ ಇದೆ.

ವಯಸ್ಸಾದವರು, ಬಿಪಿ, ಶುಗರ್, ಇಲ್ಲ ಕೊಲೆಸ್ಟ್ರಾಲ್ ಇರೋರು ಆ ಹಳದಿ ಭಾಗವನ್ನ ಬಿಟ್ಟುಬಿಡೋದು ಜಾಣತನ.
ಇನ್ನು, ನೀವು ಮೊಟ್ಟೆ ತಿಂದ್ರೆ, ಅದರಿಂದ ಬರೋ ಶಕ್ತಿನ ಕರಗಿಸುವಷ್ಟು ದೈಹಿಕ ಶ್ರಮ, ಮೈ ಮುರಿದು ಕೆಲಸ ಅವತ್ತೇ ಮಾಡಬೇಕು.
ಹಂಗೆ ಮಾಡ್ಲಿಲ್ಲ ಅಂದ್ರೆ ಆ ಶಕ್ತಿ ಹೊಟ್ಟೇಲಿ ಕೊಬ್ಬಾಗಿ ಕೂತು ಕಾಯಿಲೆ ತರಿಸುತ್ತೆ.

ದೇಹ ಅನ್ನೋ ಗಾಡಿಗೆ ವಿಮಾನದ ಇಂಧನನೋ? ಲಾರಿ ಡೀಸೆಲೋ?

ನಮ್ಮ ಹಿರಿಯರು “ಅನ್ನವೇ ದೇವರು” ಅಂತ ಸುಮ್ನೆ ಹೇಳಿಲ್ಲ ಕಣ್ರೀ. ಭಗವದ್ಗೀತೆಯಲ್ಲೂ ಕೂಡ ನಾವು ತಿನ್ನೋ ಊಟದ ಬಗ್ಗೆ ಭಾರಿ ಅದ್ಭುತವಾಗಿ ಹೇಳಿದ್ದಾರೆ. ಒಬ್ಬ ಮನುಷ್ಯನ ಬುದ್ಧಿ, ಅವನ ಗುಣ ಎಲ್ಲವೂ ಅವನು ತಿನ್ನೋ ಊಟದ ಮೇಲೆಯೇ ನಿಂತಿರುತ್ತೆ. ನಮ್ಮ ಊಟವನ್ನು ಅವರು ಮೂರು ಭಾಗವಾಗಿ ವಿಂಗಡಿಸಿದ್ದಾರೆ:

ಸಾತ್ವಿಕ ಆಹಾರ: ಅಂದ್ರೆ ನಮ್ಮ ಸೊಪ್ಪು, ಹಣ್ಣು, ತರಕಾರಿ, ಮೊಳಕೆ ಕಾಳುಗಳು. ಇದು ತಿಂದಷ್ಟು ಮೈಗೆ ಹಿತ, ಮನಸ್ಸಿಗೆ ಶಾಂತಿ.
ರಾಜಸ ಆಹಾರ: ಉಪ್ಪು, ಖಾರ, ಜಿಡ್ಡು ತುಂಬಿರೋದು. ಈ ಕಾಲದ ಪಿಜ್ಜಾ, ಬರ್ಗರ್, ಬೇಕರಿ ತಿಂಡಿಗಳು. ಇದು ಬರೀ ನಾಲಿಗೆಗೆ ರುಚಿ ಅಷ್ಟೇ, ಮೈಗಲ್ಲ.
ತಾಮಸ ಆಹಾರ: ಕಂಠಪೂರ್ತಿ ಹೊಟ್ಟೆ ಬಿರಿಯುವಷ್ಟು ತಿನ್ನೋದು, ಮಿತಿಮೀರಿ ಮಾಂಸಾಹಾರ, ಮದ್ಯಪಾನ ಸೇರಿಸೋದು. ಇದು ಮೈಯಲ್ಲಿ ಕೊಬ್ಬಾಗಿ ಕೂತು ನಾನಾ ರೋಗ ತರಿಸುತ್ತೆ.

ಇದನ್ನ ಇನ್ನಷ್ಟು ಸುಲಭವಾಗಿ, ನಮ್ಮ ಭಾಷೇಲಿ ಅರ್ಥ ಮಾಡ್ಕೋಬೇಕಾ? ಈ ಲೆಕ್ಕ ನೋಡಿ:

ವಿಮಾನಕ್ಕೆ ಹಾಕೋ ಇಂಧನ (Fuel) ಭಾರಿ ಶುದ್ಧವಾಗಿರುತ್ತೆ. ಅದು ಉರಿದಾಗ ಸ್ವಲ್ಪವೂ ಹೊಗೆ ಬರಲ್ಲ. ಇದೇ ಸಾತ್ವಿಕ ಆಹಾರ. ನಾವು ತಿಂದದ್ದು ಪೂರ್ತಿ ಜೀರ್ಣ ಆಗುತ್ತೆ.
ನಮ್ಮ ಕಾರಿಗೆ ಹಾಕೋ ಪೆಟ್ರೋಲ್ ಸ್ವಲ್ಪ ಹೊಗೆ ಬಿಡುತ್ತೆ. ಇದು ರಾಜಸ ಆಹಾರ. ಮುಕ್ಕಾಲು ಪಾಲು ಜೀರ್ಣವಾಗಿ, ಸ್ವಲ್ಪ ಮೈಯಲ್ಲಿ ಉಳಿಯುತ್ತೆ.
ಲಾರಿಗೆ ಹಾಕೋ ಡೀಸೆಲ್ ಭಾರಿ ಕಪ್ಪು ಹೊಗೆ, ಮಸಿ ಬಿಡುತ್ತಲ್ವಾ? ಅದೇ ತಾಮಸ ಆಹಾರ. ಹೊಟ್ಟೇಲಿ ಜೀರ್ಣನೇ ಆಗದೆ ಕೊಬ್ಬಾಗಿ ಕೂತುಬಿಡುತ್ತೆ.

ಈಗ ನೀವೇ ಯೋಚನೆ ಮಾಡಿ, ನಿಮ್ಮ ದೇಹ ಅನ್ನೋ ಬೆಲೆಬಾಳೋ ಗಾಡಿಗೆ ನೀವು ಯಾವ ತರಹದ ಊಟ ಹಾಕ್ತಾ ಇದ್ದೀರಿ ಅಂತ!

ಇದನ್ನೂ ಓದಿ: ನಮ್ಮ ಆರೋಗ್ಯ ನಮ್ಮ ಕೈಯಲ್ಲೇ ಕುಚ್ಚಲಕ್ಕಿ, ಗಾಣದ ಎಣ್ಣೆ ಹಾಗೂ ಸಿರಿಧಾನ್ಯಗಳ ಅದ್ಭುತ ರಹಸ್ಯ!

ನಮ್ಮ ಕೈಯಲ್ಲೇ ಇದೆ ನಮ್ಮ ಭವಿಷ್ಯ

ನೋಡಿದ್ರಲ್ಲಾ ನಮ್ಮೂರ ಜನರೇ, ಆರೋಗ್ಯ ಅನ್ನೋದು ನಾವೇ ನಮ್ಮ ಕೈಯಿಂದ ಕಟ್ಟಿಕೊಳ್ಳೋ ಕೋಟೆ. ನಾವೆಷ್ಟೇ ದುಡಿದರು, ಹಣ, ಆಸ್ತಿ, ಒಡವೆ-ವಸ್ತ್ರ ಎಷ್ಟೇ ಕೂಡಿಟ್ಟರೂ, ಆರೋಗ್ಯ ಇಲ್ಲ ಅಂದ್ರೆ ಎಲ್ಲವೂ ಮಣ್ಣು ಪಾಲೇ.

ಮಕ್ಕಳ ಭವಿಷ್ಯ ಚೆನ್ನಾಗಿರಬೇಕು ಅಂದ್ರೆ ದಿನಾ ಸೊಪ್ಪು-ಸದೆ ತಿನ್ನಿಸಿ. ಆದಷ್ಟು ಮಣ್ಣಿನ ಮಡಕೆಯಲ್ಲಿ ಅಡುಗೆ ಮಾಡೋದನ್ನ ರೂಢಿಸಿಕೊಳ್ಳಿ. ಕುಡಿಯೋ ನೀರಿಗೆ ಎಂದು ಬರದ ಬರಬಾರದು, ಬೇಕಾದಷ್ಟು ಶುದ್ಧವಾದ ನೀರು ಕುಡಿಯಿರಿ. ನಮ್ಮ ಸುತ್ತಮುತ್ತ ಸಿಗುವ ಹಣ್ಣು-ಹಂಪಲುಗಳನ್ನ ಪ್ರೀತಿಸಿ. ಬರಿಗಾಲಿನಲ್ಲಿ ನಡೆಯದೆ, ಚಪ್ಪಲಿ ಹಾಕಿಕೊಂಡೇ ಓಡಾಡಿ, ಹುಳುಗಳ ಕಾಟದಿಂದ ತಪ್ಪಿಸಿಕೊಳ್ಳಿ.

ಈ ಲೇಖನ ಓದಿದ್ದಕ್ಕೆ ನಿಮಗೆಲ್ಲರಿಗೂ ತುಂಬು ಹೃದಯದ ದನ್ಯವಾದಗಳು. ಈ ಮಾಹಿತಿ ನಿಮಗೆ ಇಷ್ಟ ಆಗಿದ್ರೆ, ನಿಮ್ಮ ಅಕ್ಕ-ಪಕ್ಕದ ಮನೆಯವರಿಗೂ, ನೆರೆಹೊರೆಯವರಿಗೂ ಈ ವಿಚಾರ ತಿಳಿಸಿ. ಎಲ್ಲರೂ ನಗುನಗುತಾ, ಕಾಯಿಲೆ ಇಲ್ಲದೆ ಕಲ್ಲಿನಂಗೆ ಗಟ್ಟಿಯಾಗಿರೋಣ.