Term Insurence: ನಿಮ್ಮ ಕುಟುಂಬದ ಆರ್ಥಿಕ ಭದ್ರತೆಗೆ ಯಾವುದು ಉತ್ತಮ ಎಲ್ಐಸಿ (LIC) ಅಥವಾ ಪ್ರೈವೇಟ್ ಇನ್ಶೂರೆನ್ಸ್ ಸಂಪೂರ್ಣ ಮಾಹಿತಿಯನ್ನು ಈಗಲೇ ತಿಳಿದುಕೊಳ್ಳಿ

Term

Insurence: ನಿಮ್ಮ ಕುಟುಂಬದ ಆರ್ಥಿಕ ಭದ್ರತೆಗೆ ಯಾವುದು ಉತ್ತಮ ಎಲ್ಐಸಿ (LIC) ಅಥವಾ ಪ್ರೈವೇಟ್ ಇನ್ಶೂರೆನ್ಸ್ ಸಂಪೂರ್ಣ ಮಾಹಿತಿಯನ್ನು ಈಗಲೇ ತಿಳಿದುಕೊಳ್ಳಿ

ಇಂದಿನ ವೇಗದ ಬದುಕಿನಲ್ಲಿ ನಾಳೆ ಏನಾಗುತ್ತದೆ ಎಂದು ಯಾರಿಗೂ ತಿಳಿದಿಲ್ಲ. ನಾವು ಎಷ್ಟೇ ಸಂಪಾದನೆ ಮಾಡಿದರೂ, ನಮ್ಮ ಗೈರುಹಾಜರಿಯಲ್ಲಿ ನಮ್ಮ ಕುಟುಂಬ ಆರ್ಥಿಕವಾಗಿ ಸುರಕ್ಷಿತವಾಗಿರಬೇಕು ಎಂಬುದು ಪ್ರತಿಯೊಬ್ಬರ ಆಸೆಯಾಗಿರುತ್ತದೆ. ಕುಟುಂಬದ ಭದ್ರತೆ ಎಂದಾಗ ನಮಗೆ ಮೊದಲು ನೆನಪಾಗುವುದೇ ಇನ್ಶೂರೆನ್ಸ್ ಅಥವಾ ಜೀವ ವಿಮೆ.

ಭಾರತದ ಮಾರುಕಟ್ಟೆಯಲ್ಲಿ ವಿಮೆ ಎಂದ ಕೂಡಲೇ ಕಣ್ಮುಂದೆ ಬರುವುದು ಎಲ್ಐಸಿ (LIC) ಮಾತ್ರ. ಆದರೆ ಇತ್ತೀಚಿನ ದಿನಗಳಲ್ಲಿ ಅನೇಕ ಖಾಸಗಿ (Private) ಕಂಪನಿಗಳು ಮಾರುಕಟ್ಟೆಗೆ ಲಗ್ಗೆ ಇಟ್ಟಿವೆ.

ಹಾಗಾದರೆ, ನಾವು ಕಷ್ಟಪಟ್ಟು ದುಡಿದ ಹಣವನ್ನು ಎಲ್ಐಸಿಯಲ್ಲಿ ಹೂಡಿಕೆ ಮಾಡಬೇಕಾ ಅಥವಾ ಕಡಿಮೆ ಪ್ರೀಮಿಯಂ ಕೇಳುವ ಪ್ರೈವೇಟ್ ಕಂಪನಿಗಳನ್ನು ನಂಬಬೇಕಾ ಬನ್ನಿ, ಇವೆರಡರ ನಡುವಿನ ಸಂಪೂರ್ಣ ವ್ಯತ್ಯಾಸವನ್ನು ಸರಳವಾಗಿ ಮತ್ತು ಆಳವಾಗಿ ಅರ್ಥಮಾಡಿಕೊಳ್ಳೋಣ.

ಇದನ್ನೂ ಓದಿ: Heart Blockage: ಬಿಸಿ ಬಿಸಿ ಬಜ್ಜಿ, ಬೋಂಡಾ ತಿಂದರೆ ಹಾರ್ಟ್ ಬ್ಲಾಕೇಜ್ ಗ್ಯಾರಂಟಿನಾ? ಕೇವಲ ಎಣ್ಣೆಯೊಂದೇ ಹೃದಯದ ಶತ್ರುವೇ? ಇಲ್ಲಿದೆ ವೈದ್ಯಕೀಯ ಸತ್ಯ!

 ಎಲ್ಐಸಿ ಎಂದರೆ ವಿಮೆಯಲ್ಲ ಅದೊಂದು ನಂಬಿಕೆ

ವಿದೇಶಿ ಕಂಪನಿಗಳೇ ಬರಲಿ, ಅಥವಾ ಮತ್ಯಾವುದೇ ಹೊಸ ಕಂಪನಿಗಳು ಹುಟ್ಟಿಕೊಳ್ಳಲಿ, ಭಾರತದಲ್ಲಿ ಎಲ್ಐಸಿ (Life Insurance Corporation of India) ಸ್ಥಾನವನ್ನು ಅಲುಗಾಡಿಸಲು ಸಾಧ್ಯವಾಗಿಲ್ಲ ಇದಕ್ಕೆ ಮುಖ್ಯ ಕಾರಣಗಳು ಇಲ್ಲಿವೆ.

• ಬೃಹತ್ ಮಾರುಕಟ್ಟೆ: ಇಂದಿಗೂ ಭಾರತದ ಇನ್ಶೂರೆನ್ಸ್ ಮಾರುಕಟ್ಟೆಯಲ್ಲಿ ಶೇಕಡಾ 55% ಗಿಂತ ಹೆಚ್ಚಿನ ಪಾಲು ಎಲ್ಐಸಿ ಕೈಯಲ್ಲಿದೆ.

• ಏಜೆಂಟ್‌ಗಳ ಜಾಲ: ದೇಶಾದ್ಯಂತ ಸುಮಾರು 13 ರಿಂದ 15 ಲಕ್ಷ ಎಲ್ಐಸಿ ಏಜೆಂಟ್‌ಗಳು ಕಾರ್ಯನಿರ್ವಹಿಸುತ್ತಿದ್ದಾರೆ. ಕಾಶ್ಮೀರದಿಂದ ಕನ್ಯಾಕುಮಾರಿವರೆಗೆ ಇದರ ಕಚೇರಿಗಳಿವೆ.

• ಸರ್ಕಾರಿ ಭದ್ರತೆ: ಇದು ಸರ್ಕಾರಿ ಒಡೆತನದ ಕಂಪನಿ. ಹೀಗಾಗಿ ನಮ್ಮ ಹಣ ಎಲ್ಲೂ ಮುಳುಗುವುದಿಲ್ಲ ಎಂಬ ಅಚಲವಾದ ನಂಬಿಕೆ ಜನರಲ್ಲಿದೆ.

• ಜನಪ್ರಿಯ ಘೋಷವಾಕ್ಯ: ಜಿಂದಗೀ ಕೇ ಸಾತ್ ಭೀ, ಜಿಂದಗೀ ಕೇ ಬಾದ್ ಭೀ (ಬದುಕಿರುವಾಗಲೂ, ಸತ್ತ ಮೇಲೂ ಜೊತೆಗಿರುತ್ತೇವೆ) ಎಂಬ ಮಾತು ಜನರ ಮನಸ್ಸಿನಲ್ಲಿ ಅಚ್ಚಳಿಯದೆ ಉಳಿದಿದೆ.

• ಕ್ಲೇಮ್ ಸೆಟಲ್ಮೆಂಟ್: ಎಲ್ಐಸಿಯ ‘ಕ್ಲೇಮ್ ಸೆಟಲ್ಮೆಂಟ್ ರೇಶಿಯೋ’ (Claim Settlement Ratio) 98.35% ರಷ್ಟಿದೆ. ಕೋಟ್ಯಂತರ ಗ್ರಾಹಕರಿದ್ದರೂ ಇಷ್ಟು ಅದ್ಭುತವಾಗಿ ಕ್ಲೇಮ್ ವಿಲೇವಾರಿ ಮಾಡುವುದು ಸಣ್ಣ ಮಾತಲ್ಲ.

ಟರ್ಮ್ ಇನ್ಶೂರೆನ್ಸ್ ಅಂದರೆ ಏನು

ವಿಮೆಯಲ್ಲಿ ಅನೇಕ ವಿಧಗಳಿವೆ. ಆದರೆ ಪ್ರತಿಯೊಬ್ಬರೂ ಕಡ್ಡಾಯವಾಗಿ ಮಾಡಿಸಲೇಬೇಕಾದ ವಿಮೆ ಎಂದರೆ ಅದು ಟರ್ಮ್ ಇನ್ಶೂರೆನ್ಸ್.

• ಟರ್ಮ್ ಇನ್ಶೂರೆನ್ಸ್ ಎಂದರೆ ಅತ್ಯಂತ ಕಡಿಮೆ ಪ್ರೀಮಿಯಂ ಕಟ್ಟಿ, ಅತಿ ದೊಡ್ಡ ಮೊತ್ತದ ಕವರೇಜ್ ಪಡೆಯುವ ಯೋಜನೆಯಾಗಿದೆ.

• ಉದಾಹರಣೆಗೆ: ತಿಂಗಳಿಗೆ ಕೇವಲ 1000 ರೂ. ಕಟ್ಟಿದರೆ, 1 ಕೋಟಿ ರೂಪಾಯಿಗಳ ಕವರೇಜ್ ಸಿಗುತ್ತದೆ.

• ನೆನಪಿರಲಿ: ಇದು ಪ್ಯೂರ್ ಲೈಫ್ ಕವರ್. ಅಂದರೆ, ಪಾಲಿಸಿದಾರ ಮರಣ ಹೊಂದಿದರೆ ಮಾತ್ರ ಆತನ ಕುಟುಂಬಕ್ಕೆ (ನಾಮಿನಿಗೆ) ಆ ದೊಡ್ಡ ಮೊತ್ತ ಸಿಗುತ್ತದೆ.

• ಒಂದು ವೇಳೆ ಪಾಲಿಸಿ ಅವಧಿ ಮುಗಿಯುವವರೆಗೂ ವ್ಯಕ್ತಿ ಜೀವಂತವಿದ್ದರೆ, ಕಟ್ಟಿದ ಹಣ ವಾಪಸ್ ಬರುವುದಿಲ್ಲ. ಇದು ಕೇವಲ ಕುಟುಂಬದ ರಕ್ಷಣೆಗಾಗಿಯೇ ಇರುವ ವಿಮೆ.

ಎಲ್ಐಸಿಯ ಅತ್ಯುತ್ತಮ 3 ಟರ್ಮ್ ಇನ್ಶೂರೆನ್ಸ್ ಪ್ಲಾನ್‌ಗಳು

ಎಲ್ಐಸಿಯಲ್ಲಿ ಪ್ರಮುಖವಾಗಿ ಮೂರು ಅತ್ಯುತ್ತಮ ಟರ್ಮ್ ಪ್ಲಾನ್‌ಗಳು ಲಭ್ಯವಿವೆ. ಅವುಗಳ ವಿವರ ಇಲ್ಲಿದೆ:

1. ಎಲ್ಐಸಿ ಡಿಜಿ ಟರ್ಮ್ (LIC Digi Term):

• ಇದು ಸಂಪೂರ್ಣವಾಗಿ ಆನ್‌ಲೈನ್ ಮೂಲಕ ಖರೀದಿಸಬಹುದಾದ ಪ್ಲಾನ್.

• ಏಜೆಂಟ್‌ಗಳ ಹಸ್ತಕ್ಷೇಪ ಇರುವುದಿಲ್ಲ, ಆದ್ದರಿಂದ ಕಮಿಷನ್ ಉಳಿಯುತ್ತದೆ ಮತ್ತು ಪ್ರೀಮಿಯಂ ಸ್ವಲ್ಪ ಕಡಿಮೆ ಇರುತ್ತದೆ.

• 50 ಲಕ್ಷದಿಂದ 5 ಕೋಟಿ ರೂಪಾಯಿವರೆಗೂ ಕವರ್ ಪಡೆಯಬಹುದು.

• 18 ರಿಂದ 45 ವರ್ಷದೊಳಗಿನವರು ಇದನ್ನು ಮಾಡಿಸಬಹುದು. ಗರಿಷ್ಠ 75 ವರ್ಷದವರೆಗೂ ರಕ್ಷಣೆ ಸಿಗುತ್ತದೆ.

• ವಿಶೇಷತೆ: ಕ್ಲೇಮ್ ಹಣವನ್ನು ಒಟ್ಟಿಗೆ (Lumpsum) ಪಡೆಯಬಹುದು ಅಥವಾ ಪ್ರತಿ ತಿಂಗಳು ಸಂಬಳದಂತೆ ಬರುವಂತೆಯೂ ಆಯ್ಕೆ ಮಾಡಿಕೊಳ್ಳಬಹುದು.

2. ಎಲ್ಐಸಿ ಬೀಮಾ ಕವಚ್ (LIC Bima Kavach):

• ಇದು ಕೂಡ ಪ್ಯೂರ್ ಟರ್ಮ್ ಪ್ಲಾನ್.

• 2 ಕೋಟಿಗಿಂತ ಹೆಚ್ಚಿನ ಕವರೇಜ್ ಬೇಕೆನ್ನುವವರಿಗೆ ಇದು ಸೂಕ್ತ.

• 18 ರಿಂದ 65 ವರ್ಷದವರೆಗಿನ ವಯಸ್ಕರು ಇದನ್ನು ಖರೀದಿಸಬಹುದು.

• ಪ್ರೀಮಿಯಂ ಕಟ್ಟಲು ವಿವಿಧ ಫ್ಲೆಕ್ಸಿಬಲ್ ಆಯ್ಕೆಗಳಿವೆ.

• ಗಮನಿಸಿ: ಇದರಲ್ಲಿ ಕ್ರಿಟಿಕಲ್ ಇಲ್‌ನೆಸ್ (ಗಂಭೀರ ಕಾಯಿಲೆ) ಕವರೇಜ್ ಸಿಗುವುದಿಲ್ಲ.

3. ಎಲ್ಐಸಿ ನ್ಯೂ ಟೆಕ್ ಟರ್ಮ್ (LIC New Tech Term):

• ಎಲ್ಐಸಿ ವೆಬ್‌ಸೈಟ್ ಮೂಲಕ ಯಾರು ಬೇಕಾದರೂ ಇದನ್ನು ಖರೀದಿಸಬಹುದು.

• ಇದರಲ್ಲಿ ‘ಆಕ್ಸಿಡೆಂಟಲ್ ಬೆನಿಫಿಟ್ ರೈಡರ್’ (ಅಪಘಾತ ವಿಮೆ) ಆಪ್ಷನ್ ಕೂಡ ಇದೆ.

• ಆದರೆ, ಆಧುನಿಕ ಪ್ರೈವೇಟ್ ಪ್ಲಾನ್‌ಗಳಲ್ಲಿ ಸಿಗುವ ಕೆಲವು ಅಪ್‌ಗ್ರೇಡ್ ಫೀಚರ್‌ಗಳು ಇದರಲ್ಲಿ ಮಿಸ್ ಆಗಿವೆ.

ನೀವು LIC ನಲ್ಲಿ ಬೆಸ್ಟ್ Life ಇನ್ಸೂರೆನ್ಸ್ ಪಾಲಿಸಿ ಹುಡುಕಲು ಇಲ್ಲಿ ಕ್ಲಿಕ್ ಮಾಡಿ

ಇದನ್ನೂ ಓದಿ:  PM RAHATH:ʻಪಿಎಂ ರಾಹತ್ʼ ಯೋಜನೆ? ರಸ್ತೆ ಅಪಘಾತದ ಸಂತ್ರಸ್ತರಿಗೆ 1.5 ಲಕ್ಷ ರೂ. ನಗದು ರಹಿತ ಚಿಕಿತ್ಸೆಏನಿದು  ಸಂಪೂರ್ಣ ವಿವರ ಇಲ್ಲಿದೆ

ವಿಮೆಯಲ್ಲಿ ಯಾವೆಲ್ಲಾ ಸಾವುಗಳಿಗೆ ಪರಿಹಾರ ಸಿಗುತ್ತದೆ

ಒಮ್ಮೆ ನೀವು ಇನ್ಶೂರೆನ್ಸ್ ಮಾಡಿಸಿದ ಮೇಲೆ, ಯಾವ ಕಾರಣಗಳಿಗೆ ಪ್ರಾಣ ಹೋದರೆ ಹಣ ಸಿಗುತ್ತದೆ ಎಂಬುದನ್ನು ತಿಳಿಯುವುದು ಅತ್ಯಗತ್ಯ:

• ವಯಸ್ಸಾಗಿ ಅಥವಾ ಅನಾರೋಗ್ಯದಿಂದ ಸಂಭವಿಸುವ ನೈಸರ್ಗಿಕ ಸಾವು (ಸಹಜ ಸಾವು).

• ಹಾರ್ಟ್ ಅಟ್ಯಾಕ್ (ಹೃದಯಾಘಾತ) ಅಥವಾ ಕ್ಯಾನ್ಸರ್‌ನಂತಹ ಗಂಭೀರ ಕಾಯಿಲೆಗಳಿಂದ ಸಾವು.

• ಯಾವುದೇ ರೀತಿಯ ಅನಿರೀಕ್ಷಿತ ಅಪಘಾತದಲ್ಲಿ (Road Accidents) ಪ್ರಾಣ ಕಳೆದುಕೊಂಡರೆ.

• ಭೂಕಂಪ, ಪ್ರವಾಹ, ಸುನಾಮಿಯಂತಹ ನೈಸರ್ಗಿಕ ವಿಕೋಪಗಳಿಗೆ ತುತ್ತಾದರೆ.

• ಕೋವಿಡ್ (COVID-19) ನಂತಹ ಸಾಂಕ್ರಾಮಿಕ ರೋಗಗಳಿಂದ ಮರಣ ಹೊಂದಿದರೆ.

ವಿಮೆಯ ಹಣ ಯಾವಾಗ ಸಿಗುವುದಿಲ್ಲ

ನೀವು ಎಷ್ಟೇ ದೊಡ್ಡ ಮೊತ್ತದ ವಿಮೆ ಮಾಡಿಸಿದ್ದರೂ, ಈ ಕೆಳಗಿನ ತಪ್ಪುಗಳಿಂದ ಪ್ರಾಣ ಹೋದರೆ ಇನ್ಶೂರೆನ್ಸ್ ಕಂಪನಿಗಳು ಒಂದು ರೂಪಾಯಿಯನ್ನೂ ನೀಡುವುದಿಲ್ಲ.

• ಆತ್ಮಹತ್ಯೆ: ಪಾಲಿಸಿ ತೆಗೆದುಕೊಂಡ ಮೊದಲನೇ ವರ್ಷದಲ್ಲೇ ವ್ಯಕ್ತಿ ಆತ್ಮಹತ್ಯೆ ಮಾಡಿಕೊಂಡರೆ ಕ್ಲೇಮ್ ಸಿಗುವುದಿಲ್ಲ.

• ಮದ್ಯಪಾನ / ಡ್ರಗ್ಸ್: ಮದ್ಯಪಾನ ಮಾಡಿ ವಾಹನ ಚಲಾಯಿಸಿ ಅಪಘಾತವಾದರೆ ಅಥವಾ ಡ್ರಗ್ಸ್ ಓವರ್‌ಡೋಸ್‌ನಿಂದ ಪ್ರಾಣ ಹೋದರೆ ಅರ್ಜಿ ರಿಜೆಕ್ಟ್ ಆಗುತ್ತದೆ.

• ಅಪರಾಧ ಕೃತ್ಯಗಳು: ಕಳ್ಳತನ, ದರೋಡೆ, ಕೊಲೆಯಂತಹ ಅಪರಾಧಗಳನ್ನು ಮಾಡುವಾಗ, ಪಬ್ಲಿಕ್ ಏಟು ತಿಂದೋ ಅಥವಾ ಪೊಲೀಸರ ಗುಂಡೇಟಿನಿಂದಲೋ ಸತ್ತರೆ ಹಣ ಸಿಗುವುದಿಲ್ಲ.

• ಅಪಾಯಕಾರಿ ಸಾಹಸಗಳು: ಸ್ಕೈ ಡೈವಿಂಗ್, ಬಂಗೀ ಜಂಪಿಂಗ್, ಬೈಕ್ / ಕಾರ್ ರೇಸಿಂಗ್‌ನಂತಹ ರಿಸ್ಕಿ ಆಟಗಳನ್ನು ಆಡುವಾಗ ಪ್ರಾಣ ಹೋದರೆ ಇನ್ಶೂರೆನ್ಸ್ ಕವರ್ ಆಗುವುದಿಲ್ಲ.

ಎಲ್ಐಸಿ V/S ಪ್ರೈವೇಟ್ ಇನ್ಶೂರೆನ್ಸ್

ನಿಮಗೆ ಎಲ್ಐಸಿ ಮಾಡಿಸಬೇಕೋ ಅಥವಾ ಹೆಚ್‌ಡಿಎಫ್‌ಸಿ, ಐಸಿಐಸಿಐ, ಮ್ಯಾಕ್ಸ್ ಲೈಫ್ ನಂತಹ ಪ್ರೈವೇಟ್ ಕಂಪನಿಗಳನ್ನು ಆಯ್ಕೆ ಮಾಡಬೇಕೋ ಎಂಬ ಗೊಂದಲವಿದ್ದರೆ, ಈ ಕೆಳಗಿನ ಹೋಲಿಕೆಯನ್ನು ಗಮನಿಸಿ:

1. ಪ್ರೀಮಿಯಂ ಮೊತ್ತ (Premium Cost): ಎಲ್ಐಸಿಯಲ್ಲಿ ಬ್ರಾಂಡ್ ವ್ಯಾಲ್ಯೂ ಇರುವುದರಿಂದ ಪ್ರೀಮಿಯಂ ಮೊತ್ತ ಸ್ವಲ್ಪ ದುಬಾರಿ. ಪ್ರೈವೇಟ್ ಕಂಪನಿಗಳಿಗೆ ಹೋಲಿಸಿದರೆ ಎಲ್ಐಸಿಯಲ್ಲಿ ಶೇಕಡಾ 30% ರಿಂದ 40% ರಷ್ಟು ಹೆಚ್ಚು ಹಣ ಕಟ್ಟಬೇಕಾಗುತ್ತದೆ.

2. ಹಣ ಪಾವತಿಯ ವೇಗ (Speed of Claim Payout):

• ಪ್ರೈವೇಟ್ ಕಂಪನಿಗಳು ಅತ್ಯಂತ ವೇಗವಾಗಿ ಕೆಲಸ ಮಾಡುತ್ತವೆ. ಉದಾಹರಣೆಗೆ: ‘ಮ್ಯಾಕ್ಸ್ ಲೈಫ್’ ನಂತಹ ಕಂಪನಿಗಳಲ್ಲಿ ಡೆತ್ ಕ್ಲೇಮ್ ಆದ ಕೇವಲ 1 ಗಂಟೆಯೊಳಗೆ ಅಂತ್ಯಕ್ರಿಯೆಯ ಖರ್ಚಿಗಾಗಿ 2 ಲಕ್ಷ ರೂ.ಗಳನ್ನು ತಕ್ಷಣ ಬಿಡುಗಡೆ ಮಾಡುವ ಫೀಚರ್ ಇದೆ. ಉಳಿದ ಹಣವನ್ನು ನಂತರ ನೀಡುತ್ತಾರೆ.

• ಆದರೆ ಎಲ್ಐಸಿಯಲ್ಲಿ ಪ್ರಕ್ರಿಯೆಗಳು ಸಾಂಪ್ರದಾಯಿಕವಾಗಿರುವುದರಿಂದ ಇಷ್ಟು ವೇಗವನ್ನು ಸದ್ಯಕ್ಕೆ ನಿರೀಕ್ಷಿಸುವಂತಿಲ್ಲ.

3. ಟರ್ಮಿನಲ್ ಇಲ್‌ನೆಸ್ ಬೆನಿಫಿಟ್ (Terminal Illness Benefit):

• ಪ್ರೈವೇಟ್ ಪ್ಲಾನ್‌ಗಳಲ್ಲಿ ಅತ್ಯಂತ ಆಕರ್ಷಕ ಫೀಚರ್ ಎಂದರೆ ಇದು. ವ್ಯಕ್ತಿಗೆ ಕ್ಯಾನ್ಸರ್‌ನಂತಹ ಕೊನೆಯ ಹಂತದ ಗಂಭೀರ ಕಾಯಿಲೆ ಬಂದು, ಬದುಕುವುದು ಕಷ್ಟ ಎಂದು ವೈದ್ಯರು ದೃಢಪಡಿಸಿದರೆ, ವ್ಯಕ್ತಿ ಜೀವಂತವಿರುವಾಗಲೇ ಚಿಕಿತ್ಸೆಗಾಗಿ ವಿಮೆಯ ಮೊತ್ತವನ್ನು ನೀಡಲಾಗುತ್ತದೆ.

ಪ್ರೀಮಿಯಂ ಮೊತ್ತದ ಒಂದು ಸ್ಪಷ್ಟ ಉದಾಹರಣೆ

ಒಬ್ಬ 35 ವರ್ಷದ ವ್ಯಕ್ತಿ, 70 ವರ್ಷದವರೆಗೆ ಕವರೇಜ್ ಸಿಗುವಂತೆ 2 ಕೋಟಿ ರೂಪಾಯಿಗಳ ಟರ್ಮ್ ಇನ್ಶೂರೆನ್ಸ್ ಮಾಡಿಸುತ್ತಾನೆ ಎಂದುಕೊಳ್ಳೋಣ. ಆಗ ಬೇರೆ ಬೇರೆ ಕಂಪನಿಗಳ ವಾರ್ಷಿಕ ಪ್ರೀಮಿಯಂ (Premium per year) ಈ ಕೆಳಗಿನಂತಿರುತ್ತದೆ:

• ಎಲ್ಐಸಿ ಬೀಮಾ ಕವಚ್: ವರ್ಷಕ್ಕೆ ಸುಮಾರು 43,660 ರೂ.

• HDFC ಲೈಫ್: ವರ್ಷಕ್ಕೆ ಸುಮಾರು 35,241 ರೂ.

• ICICI ಪ್ರುಡೆನ್ಶಿಯಲ್: ವರ್ಷಕ್ಕೆ ಸುಮಾರು 28,238 ರೂ.

• ಮ್ಯಾಕ್ಸ್ ಲೈಫ್ / ಬಜಾಜ್: ವರ್ಷಕ್ಕೆ ಸುಮಾರು 27,000 ದಿಂದ 28,000 ರೂ.

(ಗಮನಿಸಿ: ನೀವು 20 ರಿಂದ 25 ನೇ ವಯಸ್ಸಿನಲ್ಲೇ ವಿಮೆ ಮಾಡಿಸಿದರೆ, ಈ ಮೊತ್ತ ಇನ್ನೂ ಭಾರಿ ಪ್ರಮಾಣದಲ್ಲಿ ಕಡಿಮೆಯಿರುತ್ತದೆ. ಕೇವಲ 500-600 ರೂ. ತಿಂಗಳಿಗೆ ಕಟ್ಟುವ ಮೂಲಕ 1 ಕೋಟಿ ಕವರ್ ಪಡೆಯಬಹುದು).

ಖಾಸಗಿ ಕಂಪನಿಗಳು ಸೇಫ್ ಆಗಿವೆಯೇ

ನಮ್ಮಲ್ಲಿ ಅನೇಕರಿಗೆ ಪ್ರೈವೇಟ್ ಕಂಪನಿಗಳು ಮುಚ್ಚಿಹೋದರೆ ನಮ್ಮ ಹಣ ಏನಾಗುತ್ತೆ ಎಂಬ ಭಯವಿರುತ್ತದೆ.

ಭಾರತದಲ್ಲಿ ಬ್ಯಾಂಕುಗಳನ್ನು ‘ಆರ್‌ಬಿಐ’ (RBI) ಹೇಗೆ ಕಟ್ಟುನಿಟ್ಟಾಗಿ ನಿಯಂತ್ರಿಸುತ್ತದೆಯೋ, ಅದೇ ರೀತಿ ಜೀವ ವಿಮಾ ಕಂಪನಿಗಳನ್ನು ನಿಯಂತ್ರಿಸಲು ಸರ್ಕಾರದ ಐಆರ್‌ಡಿಎಐ (IRDAI – Insurance Regulatory and Development Authority of India) ಎಂಬ ಸಂಸ್ಥೆ ಇದೆ.

ಎಲ್ಐಸಿ ಆಗಿರಲಿ ಅಥವಾ ಯಾವುದೇ ಪ್ರೈವೇಟ್ ಕಂಪನಿಯಾಗಿರಲಿ, ಎಲ್ಲರೂ ಐಆರ್‌ಡಿಎಐ ನಿಯಮಗಳಿಗೆ ತಲೆಬಾಗಲೇಬೇಕು. ಗ್ರಾಹಕರಿಗೆ ಮೋಸ ಮಾಡುವಂತಿಲ್ಲ. ಆದ್ದರಿಂದ ಪ್ರೈವೇಟ್ ಕಂಪನಿಗಳು ಕೂಡ ನೂರಕ್ಕೆ ನೂರು ಸೇಫ್.

ಇನ್ಶೂರೆನ್ಸ್ ಖರೀದಿಸುವಾಗ ಗಮನಿಸಬೇಕಾದ ಪ್ರಮುಖ 5 ಅಂಶಗಳು

1. ಕ್ಲೇಮ್ ಸೆಟಲ್ಮೆಂಟ್ ರೇಶಿಯೋ: ನೀವು ಆಯ್ಕೆ ಮಾಡುವ ಕಂಪನಿಯ ಕ್ಲೇಮ್ ರೇಶಿಯೋ ಯಾವಾಗಲೂ 98% ಗಿಂತ ಹೆಚ್ಚಿರಬೇಕು.

2. ಚಿಕ್ಕ ವಯಸ್ಸಿನಲ್ಲೇ ಎಂಟ್ರಿ: ವಯಸ್ಸಾದಂತೆ ಪ್ರೀಮಿಯಂ ಮೊತ್ತ ಡಬಲ್ ಆಗುತ್ತದೆ. ಆದ್ದರಿಂದ ನಿಮಗೆ 22, 25 ಅಥವಾ 28 ವರ್ಷವಿರುವಾಗಲೇ ಟರ್ಮ್ ವಿಮೆ ಮಾಡಿಸಿ.

3. ಸರಿಯಾದ ಕವರೇಜ್ ಲೆಕ್ಕಾಚಾರ: ನಿಮ್ಮ ವಾರ್ಷಿಕ ಆದಾಯದ ಕನಿಷ್ಠ 15 ರಿಂದ 20 ಪಟ್ಟು ಮೊತ್ತದ ಇನ್ಶೂರೆನ್ಸ್ ಕವರ್ ತೆಗೆದುಕೊಳ್ಳಿ. (ಉದಾ: ನಿಮ್ಮ ಸಂಬಳ ವರ್ಷಕ್ಕೆ 5 ಲಕ್ಷವಿದ್ದರೆ, ಕನಿಷ್ಠ 1 ಕೋಟಿ ಕವರ್ ಇರಬೇಕು).

4. ಮಾಹಿತಿ ಮುಚ್ಚಿಡಬೇಡಿ: ವಿಮೆ ಮಾಡುವಾಗ ನಿಮಗೆ ಬಿಪಿ, ಶುಗರ್ ಅಥವಾ ಧೂಮಪಾನದ ಅಭ್ಯಾಸವಿದ್ದರೆ ಅದನ್ನು ಮುಕ್ತವಾಗಿ ಹೇಳಿ. ಸುಳ್ಳು ಹೇಳಿ ಪಾಲಿಸಿ ಪಡೆದರೆ, ಮುಂದೆ ಕುಟುಂಬಕ್ಕೆ ಕ್ಲೇಮ್ ಸಿಗುವಾಗ ಸಮಸ್ಯೆ ಆಗುತ್ತದೆ.

5. ರೈಡರ್‌ಗಳ ಬಳಕೆ: ಆಕ್ಸಿಡೆಂಟಲ್ ರೈಡರ್ ಅಥವಾ ಕ್ರಿಟಿಕಲ್ ಇಲ್‌ನೆಸ್ ರೈಡರ್‌ಗಳನ್ನು ಸ್ವಲ್ಪ ಹಣ ಹೆಚ್ಚು ಕೊಟ್ಟು ಸೇರಿಸಿಕೊಳ್ಳುವುದು ಜಾಣತನ.

ಇದನ್ನೂ ಓದಿ:  ಪ್ರತಿ ತಿಂಗಳು ಕೈತುಂಬಾ ಹಣ ಬೇಕೆ? ಅಂಚೆ ಕಚೇರಿಯ ಈ ಸೂಪರ್ ಯೋಜನೆಯಲ್ಲಿ ಇಂದೇ ಹೂಡಿಕೆ ಮಾಡಿ

ನೀವು ಯಾವುದನ್ನು ಆಯ್ಕೆ ಮಾಡಬೇಕು

ಎಲ್ಲವನ್ನೂ ಗಮನಿಸಿದ ಮೇಲೆ ನಿಮಗೊಂದು ಸ್ಪಷ್ಟ ಚಿತ್ರಣ ಸಿಕ್ಕಿರಬಹುದು.

• ಒಂದು ವೇಳೆ ಹಣದ ಬಗ್ಗೆ ಚಿಂತೆಯಿಲ್ಲ, ನನಗೆ ಪ್ರೀಮಿಯಂ 40% ಹೆಚ್ಚಾದರೂ ಪರವಾಗಿಲ್ಲ, ನನಗೆ ಸರ್ಕಾರದ ಗ್ಯಾರಂಟಿ ಇರುವ ಎಲ್ಐಸಿ ಯೇ ಬೇಕು ಎನ್ನುವ ಮೈಂಡ್‌ಸೆಟ್ ನಿಮ್ಮದಾಗಿದ್ದರೆ, ನೀವು ಧಾರಾಳವಾಗಿ ಎಲ್ಐಸಿ ಯತ್ತ ಮುಖ ಮಾಡಬಹುದು.

• ಇಲ್ಲ, ನಾನು ಕಡಿಮೆ ಪ್ರೀಮಿಯಂ ಕಟ್ಟಿ, ಅತಿ ಹೆಚ್ಚು ಕವರೇಜ್ ಪಡೆಯಬೇಕು. ಜೊತೆಗೆ ಹೊಸ ಹೊಸ ಫೀಚರ್‌ಗಳು ಮತ್ತು ವೇಗವಾದ ಸೇವೆ ಬೇಕು ಎನ್ನುವುದಾದರೆ, ಅತ್ಯುತ್ತಮ ರೇಟಿಂಗ್ ಇರುವ ಪ್ರೈವೇಟ್ ಇನ್ಶೂರೆನ್ಸ್ ಕಂಪನಿಗಳನ್ನು ಆಯ್ಕೆ ಮಾಡಿಕೊಳ್ಳಿ.

ನೆನಪಿರಲಿ, ಇನ್ಶೂರೆನ್ಸ್ ಮಾಡಿಸುವುದು ನಿಮ್ಮ ಸ್ವಾರ್ಥಕ್ಕಾಗಿ ಅಲ್ಲ, ನಿಮ್ಮ ಅನುಪಸ್ಥಿತಿಯಲ್ಲಿ ನಿಮ್ಮನ್ನು ನಂಬಿರುವ ಹೆಂಡತಿ, ಮಕ್ಕಳು ಅಥವಾ ವಯಸ್ಸಾದ ತಂದೆ-ತಾಯಿ ಆರ್ಥಿಕವಾಗಿ ಬೀದಿಗೆ ಬೀಳಬಾರದು ಎಂಬ ಮಹತ್ವಾಕಾಂಕ್ಷೆಯ ಭದ್ರತೆಗಾಗಿ. ಇಂದೇ ಸರಿಯಾದ ವಿಮೆಯನ್ನು ಆಯ್ಕೆ ಮಾಡಿ, ನಿಮ್ಮ ಭವಿಷ್ಯವನ್ನು ಸುರಕ್ಷಿತಗೊಳಿಸಿ.