Bank Jobs: ಪಂಜಾಬ್ ಮತ್ತು ಸಿಂಧ್ ಬ್ಯಾಂಕ್ ನೇಮಕಾತಿ 2026 ಕನ್ನಡಿಗರಿಗೆ ಸರ್ಕಾರಿ ಉದ್ಯೋಗ ಪಡೆಯಲು ಸುವರ್ಣ ಅವಕಾಶ

Bank Jobs: ಪಂಜಾಬ್ ಮತ್ತು ಸಿಂಧ್ ಬ್ಯಾಂಕ್ ನೇಮಕಾತಿ 2026 ಕನ್ನಡಿಗರಿಗೆ ಸರ್ಕಾರಿ ಉದ್ಯೋಗ ಪಡೆಯಲು ಸುವರ್ಣ ಅವಕಾಶ

ಇಂದಿನ ಸ್ಪರ್ಧಾತ್ಮಕ ಜಗತ್ತಿನಲ್ಲಿ ಸರ್ಕಾರಿ ಉದ್ಯೋಗ (Government Job) ಪಡೆಯುವುದು ಪ್ರತಿಯೊಬ್ಬ ಯುವಕ ಅಥವಾ ಯುವತಿಯ ಬಹುದೊಡ್ಡ ಕನಸಾಗಿರುತ್ತದೆ. ಅದರಲ್ಲೂ ಬ್ಯಾಂಕಿಂಗ್ ಕ್ಷೇತ್ರದಲ್ಲಿ ವೃತ್ತಿಜೀವನ ರೂಪಿಸಿಕೊಳ್ಳುವುದು ಅತ್ಯಂತ ಗೌರವಯುತ ಹಾಗೂ ಭದ್ರತೆಯುಳ್ಳದ್ದಾಗಿದೆ.

ಬ್ಯಾಂಕ್ ಉದ್ಯೋಗದ ನಿರೀಕ್ಷೆಯಲ್ಲಿರುವ ಮತ್ತು ಉದ್ಯೋಗದ ಹುಡುಕಾಟದಲ್ಲಿರುವ ರಾಜ್ಯದ ಯುವಜನತೆಗೆ ಇದೀಗ ಭರ್ಜರಿ ಸಿಹಿಸುದ್ದಿಯೊಂದು ಹೊರಬಿದ್ದಿದೆ.

ಕೇಂದ್ರ ಸರ್ಕಾರದ ಅಧೀನದಲ್ಲಿ ಕಾರ್ಯನಿರ್ವಹಿಸುವ ಪ್ರತಿಷ್ಠಿತ ‘ಪಂಜಾಬ್ ಮತ್ತು ಸಿಂಧ್ ಬ್ಯಾಂಕ್’ (Punjab and Sind Bank) ದೇಶಾದ್ಯಂತ ಖಾಲಿ ಇರುವ ಬರೋಬ್ಬರಿ 1000 ಹುದ್ದೆಗಳ ಭರ್ತಿಗೆ ಅಧಿಕೃತ ಅಧಿಸೂಚನೆ ಹೊರಡಿಸಿದೆ.

‘ಲೋಕಲ್ ಬ್ಯಾಂಕ್ ಆಫೀಸರ್’ (Local Bank Officer – LBO) ಎಂಬ ಈ ಹುದ್ದೆಗಳಿಗೆ ದೇಶದ 17 ರಾಜ್ಯಗಳಲ್ಲಿ ನೇಮಕಾತಿ ನಡೆಯುತ್ತಿದ್ದು, ವಿಶೇಷವೆಂದರೆ ಈ ಬಾರಿ ಕರ್ನಾಟಕದ ಅಭ್ಯರ್ಥಿಗಳಿಗೆ ಅತ್ಯುತ್ತಮ ಅವಕಾಶ ಒಲಿದುಬಂದಿದೆ. ಹಾಗಾದರೆ ಈ ಹುದ್ದೆಗಳಿಗೆ ಅರ್ಜಿ ಸಲ್ಲಿಸುವುದು ಹೇಗೆ? ಏನೆಲ್ಲಾ ಅರ್ಹತೆಗಳಿರಬೇಕು? ಎಂಬ ಸಂಪೂರ್ಣ ಮಾಹಿತಿಯನ್ನು ಈ ಲೇಖನದಲ್ಲಿ ಸರಳವಾಗಿ ವಿವರಿಸಲಾಗಿದೆ.

ಕರ್ನಾಟಕದ ಅಭ್ಯರ್ಥಿಗಳಿಗೆ ಈ ಹುದ್ದೆ ಏಕೆ ವಿಶೇಷ?

ಬ್ಯಾಂಕಿಂಗ್ ಪರೀಕ್ಷೆಗಳು ಎಂದರೆ ಕೇವಲ ಇಂಗ್ಲಿಷ್ ಅಥವಾ ಹಿಂದಿ ಭಾಷಿಕರಿಗೆ ಮಾತ್ರ ಸೀಮಿತ, ನಮಗೆ ಅವಕಾಶ ಕಡಿಮೆ ಎಂಬ ಆತಂಕ ಅನೇಕರಲ್ಲಿದೆ. ಆದರೆ ಈ ನೇಮಕಾತಿಯಲ್ಲಿ ಕನ್ನಡಿಗರಿಗೆ ಹೆಚ್ಚಿನ ಆದ್ಯತೆ ನೀಡಲಾಗಿದೆ.

ಒಟ್ಟು 1000 ಹುದ್ದೆಗಳಲ್ಲಿ, ಕರ್ನಾಟಕ ರಾಜ್ಯಕ್ಕೆಂದೇ 60 ಹುದ್ದೆಗಳನ್ನು ಮೀಸಲಿಡಲಾಗಿದೆ. ನಮ್ಮ ರಾಜ್ಯದಲ್ಲಿ ಕೆಲಸ ಮಾಡಲು ‘ಕನ್ನಡ ಭಾಷೆ’ (Kannada Language) ಕಡ್ಡಾಯವಾಗಿ ಬರಲೇಬೇಕು ಎಂಬ ನಿಯಮವನ್ನು ಬ್ಯಾಂಕ್ ರೂಪಿಸಿದೆ.

ಹತ್ತನೇ ತರಗತಿ (SSLC) ಅಥವಾ ಪಿಯುಸಿಯಲ್ಲಿ (PUC) ಪ್ರಥಮ ಅಥವಾ ದ್ವಿತೀಯ ಭಾಷೆಯಾಗಿ ಕನ್ನಡವನ್ನು ಓದಿದ ಅಭ್ಯರ್ಥಿಗಳಿಗೆ ಯಾವುದೇ ರೀತಿಯ ಪ್ರತ್ಯೇಕ ಕನ್ನಡ ಭಾಷಾ ಪರೀಕ್ಷೆ ಇರುವುದಿಲ್ಲ! ಅಂದರೆ ನೀವು ನೇರವಾಗಿ ನಿಮ್ಮ ಅಂಕಗಳ ಆಧಾರದ ಮೇಲೆ ಆಯ್ಕೆಯಾಗಬಹುದು.

ಒಂದು ವೇಳೆ ಹೊರ ರಾಜ್ಯದವರು ಅಥವಾ ಶಾಲಾ ಹಂತದಲ್ಲಿ ಕನ್ನಡ ಓದದೇ ಇರುವವರು ಕರ್ನಾಟಕದಲ್ಲಿ ಅರ್ಜಿ ಸಲ್ಲಿಸಿದರೆ, ಅವರು ಕಡ್ಡಾಯವಾಗಿ ಪ್ರತ್ಯೇಕ ಕನ್ನಡ ಪರೀಕ್ಷೆಯನ್ನು ಬರೆದು ಉತ್ತೀರ್ಣರಾಗಬೇಕಾಗುತ್ತದೆ. ಇದು ಅಪ್ಪಟ ಕನ್ನಡಿಗರಿಗೆ ಸಿಕ್ಕಿರುವ ಬಹುದೊಡ್ಡ ಲಾಭವಾಗಿದೆ.

ಇದನ್ನೂ ಓದಿ: Kerosene News: ಸೀಮೆ ಎಣ್ಣೆ ಮತ್ತೆ ಬಂತು ಅಂದು ಬ್ಯಾನ್ ಆಗಿದ್ದ ನೀಲಿ ಚಿನ್ನಕ್ಕೆ ಈಗ ಮತ್ತೆ ಡಿಮ್ಯಾಂಡ್ ಬಂದಿದ್ದೇಕೆ

ನೇಮಕಾತಿಯ ಪ್ರಮುಖ ದಿನಾಂಕಗಳು (Important Dates)

ನೀವು ಈ ಹುದ್ದೆಗೆ ಅರ್ಜಿ ಸಲ್ಲಿಸಲು ಬಯಸಿದರೆ, ಈ ಕೆಳಗಿನ ಪ್ರಮುಖ ದಿನಾಂಕಗಳನ್ನು ನೆನಪಿನಲ್ಲಿಟ್ಟುಕೊಳ್ಳುವುದು ಅತ್ಯಗತ್ಯ. ಕೊನೆಯ ಕ್ಷಣದ ಸರ್ವರ್ (Server problem) ಸಮಸ್ಯೆಗಳನ್ನು ತಪ್ಪಿಸಲು ಆದಷ್ಟು ಬೇಗ ಅರ್ಜಿ ಸಲ್ಲಿಸುವುದು ಜಾಣತನ.

• ಅರ್ಜಿ ಸಲ್ಲಿಕೆ ಪ್ರಾರಂಭ ದಿನಾಂಕ: 31-03-2026

• ಅರ್ಜಿ ಸಲ್ಲಿಸಲು ಕೊನೆಯ ದಿನಾಂಕ: 20-04-2026

ಯಾರೆಲ್ಲಾ ಅರ್ಜಿ ಸಲ್ಲಿಸಬಹುದು? 

ಯಾವುದೇ ಉದ್ಯೋಗಕ್ಕೆ ಅರ್ಜಿ ಸಲ್ಲಿಸುವ ಮುನ್ನ ನಾವು ಅದಕ್ಕೆ ಅರ್ಹರೇ ಎಂಬುದನ್ನು ಖಚಿತಪಡಿಸಿಕೊಳ್ಳಬೇಕು. ಬ್ಯಾಂಕ್ ಸೂಚಿಸಿರುವ ಅರ್ಹತೆಗಳು ಈ ಕೆಳಗಿನಂತಿವೆ:

• ಶೈಕ್ಷಣಿಕ ಅರ್ಹತೆ (Qualification): ಸರ್ಕಾರದಿಂದ ಮಾನ್ಯತೆ ಪಡೆದ ಯಾವುದೇ ವಿಶ್ವವಿದ್ಯಾಲಯದಿಂದ ಯಾವುದೇ ವಿಭಾಗದಲ್ಲಿ ಪದವಿ (Graduation/Degree) ಮುಗಿಸಿದ ಅಭ್ಯರ್ಥಿಗಳು ಅರ್ಜಿ ಸಲ್ಲಿಸಲು ಅರ್ಹರು. ಬಿಎ, ಬಿಕಾಂ, ಬಿಎಸ್ಸಿ ಹೀಗೆ ಯಾವುದೇ ಡಿಗ್ರಿ ಆದರೂ ನಡೆಯುತ್ತದೆ.

• ವಯೋಮಿತಿ (Age Limit): 01-03-2026 ಕ್ಕೆ ಅನ್ವಯವಾಗುವಂತೆ ಅಭ್ಯರ್ಥಿಯ ವಯಸ್ಸು ಕನಿಷ್ಠ 20 ವರ್ಷ ಹಾಗೂ ಗರಿಷ್ಠ 30 ವರ್ಷಗಳ ಒಳಗಿರಬೇಕು.

ವಯೋಮಿತಿ ಸಡಿಲಿಕೆ (Age Relaxation): ಸರ್ಕಾರಿ ನಿಯಮಗಳ ಪ್ರಕಾರ ಮೀಸಲಾತಿ ವರ್ಗದ ಅಭ್ಯರ್ಥಿಗಳಿಗೆ ವಯೋಮಿತಿಯಲ್ಲಿ ಸಡಿಲಿಕೆ ನೀಡಲಾಗಿದೆ.

• ಪರಿಶಿಷ್ಟ ಜಾತಿ / ಪರಿಶಿಷ್ಟ ಪಂಗಡ (SC/ST): 5 ವರ್ಷ

• ಇತರೆ ಹಿಂದುಳಿದ ವರ್ಗ (OBC): 3 ವರ್ಷ

• ಅಂಗವಿಕಲ ಅಭ್ಯರ್ಥಿಗಳಿಗೆ (PWD): 10 ವರ್ಷ

ಆಕರ್ಷಕ ವೇತನ ಶ್ರೇಣಿ ಮತ್ತು ಉದ್ಯೋಗ ಭದ್ರತೆ

ಇದು ಕೇವಲ ಗುತ್ತಿಗೆ (Contract) ಆಧಾರಿತ ಹುದ್ದೆಯಲ್ಲ, ಬದಲಾಗಿ ಸಂಪೂರ್ಣ ಖಾಯಂ (Permanent Basis) ಹುದ್ದೆಯಾಗಿದೆ. ಹೀಗಾಗಿ ಉದ್ಯೋಗ ಭದ್ರತೆಯ ಬಗ್ಗೆ ನೀವು ಯಾವುದೇ ಚಿಂತೆ ಮಾಡುವ ಅಗತ್ಯವಿಲ್ಲ.

• ಆಯ್ಕೆಯಾಗುವ ಅಭ್ಯರ್ಥಿಗಳಿಗೆ ಆರಂಭಿಕ ಹಂತದಲ್ಲಿ ತಿಂಗಳಿಗೆ 48,000 ರೂ. ಗಳಿಂದ 85,920 ರೂ. ವರೆಗೂ ಅತ್ಯಾಕರ್ಷಕ ವೇತನ (Pay Scale) ಲಭ್ಯವಾಗಲಿದೆ.

• ಆದರೆ, ನೇಮಕಗೊಂಡ ಅಭ್ಯರ್ಥಿಗಳು ಮೊದಲ 60 ತಿಂಗಳ ಕಾಲ (ಅಂದರೆ 5 ವರ್ಷ) ಪ್ರೊಬೇಷನರಿ ಅವಧಿಯಲ್ಲಿ (Probationary Period) ಕಾರ್ಯನಿರ್ವಹಿಸಬೇಕಾಗುತ್ತದೆ. ತದನಂತರ ಹುದ್ದೆ ಸಂಪೂರ್ಣವಾಗಿ ಖಾಯಂ ಆಗಲಿದೆ.

ಅರ್ಜಿ ಶುಲ್ಕದ ವಿವರ (Application Fee)

ಅರ್ಜಿಯನ್ನು ಸಂಪೂರ್ಣವಾಗಿ ಆನ್‌ಲೈನ್ ಮೂಲಕವೇ ಸಲ್ಲಿಸಬೇಕು ಹಾಗೂ ಶುಲ್ಕವನ್ನು ಕೂಡ ಆನ್‌ಲೈನ್ (ಡೆಬಿಟ್ ಕಾರ್ಡ್, ಕ್ರೆಡಿಟ್ ಕಾರ್ಡ್, ಯುಪಿಐ) ಮೂಲಕವೇ ಪಾವತಿಸಬೇಕು.

• ಸಾಮಾನ್ಯ (General), ಆರ್ಥಿಕವಾಗಿ ಹಿಂದುಳಿದ (EWS) ಮತ್ತು ಓಬಿಸಿ (OBC) ಅಭ್ಯರ್ಥಿಗಳಿಗೆ: ರೂ. 850/-

• ಎಸ್‌ಸಿ (SC), ಎಸ್‌ಟಿ (ST) ಮತ್ತು ಅಂಗವಿಕಲ (PWD) ಅಭ್ಯರ್ಥಿಗಳಿಗೆ: ಕೇವಲ ರೂ. 100/-

ಆಯ್ಕೆ ಪ್ರಕ್ರಿಯೆ ಹೇಗೆ ನಡೆಯಲಿದೆ? 

ಈ ಹುದ್ದೆಗಳಿಗೆ ಅರ್ಹ ಹಾಗೂ ಪ್ರತಿಭಾವಂತ ಅಭ್ಯರ್ಥಿಗಳನ್ನು ಪಾರದರ್ಶಕವಾಗಿ ಆಯ್ಕೆ ಮಾಡಲು ಬ್ಯಾಂಕ್ 4 ನಿರ್ದಿಷ್ಟ ಹಂತಗಳನ್ನು ರೂಪಿಸಿದೆ.

• ಹಂತ 1 (ಆನ್‌ಲೈನ್ ಪರೀಕ್ಷೆ): ಮೊದಲು 120 ಅಂಕಗಳಿಗೆ ಆನ್‌ಲೈನ್ ಮೂಲಕ ಕಂಪ್ಯೂಟರ್ ಆಧಾರಿತ ಲಿಖಿತ ಪರೀಕ್ಷೆ ನಡೆಯಲಿದೆ.

• ಹಂತ 2 (ಸಂದರ್ಶನ): ಲಿಖಿತ ಪರೀಕ್ಷೆಯಲ್ಲಿ ತೇರ್ಗಡೆಯಾದವರಿಗೆ 50 ಅಂಕಗಳ ವೈಯಕ್ತಿಕ ಸಂದರ್ಶನ (Interview) ಇರುತ್ತದೆ.

• ಹಂತ 3 (ದಾಖಲೆ ಪರಿಶೀಲನೆ): ಅಂತಿಮವಾಗಿ ಮೂಲ ದಾಖಲೆಗಳ ಪರಿಶೀಲನೆ (Document Verification) ನಡೆಯುತ್ತದೆ.

• ಹಂತ 4 (ಭಾಷಾ ಪರೀಕ್ಷೆ): ಮೇಲೆ ತಿಳಿಸಿದಂತೆ ಶಾಲಾ ಹಂತದಲ್ಲಿ ಕನ್ನಡ ಕಲಿಯದವರಿಗೆ ಮಾತ್ರ ಸ್ಥಳೀಯ ಭಾಷಾ ಪರೀಕ್ಷೆ ಇರುತ್ತದೆ.

ಇದನ್ನೂ ಓದಿ: ಯಾದಗಿರಿ ಜಿಲ್ಲಾ ನ್ಯಾಯಾಲಯ ನೇಮಕಾತಿ 2026: ಪರೀಕ್ಷೆ ಇಲ್ಲದೆ ನೇರ ಸರ್ಕಾರಿ ಉದ್ಯೋಗ ಪಡೆಯಿರಿ 10ನೇ ತರಗತಿ ಪಾಸಾದವರಿಗೆ ಬಂಪರ್ ಅವಕಾಶ

ಪರೀಕ್ಷಾ ಪಠ್ಯಕ್ರಮ ಮತ್ತುಅಂಕಗಳ ಹಂಚಿಕೆ (Syllabus)

ಪರೀಕ್ಷೆಗೆ ತಯಾರಾಗುವ ಅಭ್ಯರ್ಥಿಗಳು ಪಠ್ಯಕ್ರಮವನ್ನು ಸರಿಯಾಗಿ ಅರ್ಥಮಾಡಿಕೊಳ್ಳುವುದು ಯಶಸ್ಸಿನ ಮೊದಲ ಮೆಟ್ಟಿಲು. ಒಟ್ಟು 120 ಪ್ರಶ್ನೆಗಳಿಗೆ ನಡೆಯುವ ಈ ಆನ್‌ಲೈನ್ ಪರೀಕ್ಷೆಯಲ್ಲಿ ಈ ಕೆಳಗಿನ ವಿಷಯಗಳಿರುತ್ತವೆ:

• ಇಂಗ್ಲಿಷ್ ಭಾಷೆ (English Language): 30 ಅಂಕಗಳು

• ಬ್ಯಾಂಕಿಂಗ್ ಜ್ಞಾನ (Banking Knowledge): 40 ಅಂಕಗಳು

• ಸಾಮಾನ್ಯ ಜ್ಞಾನ (General Awareness): 30 ಅಂಕಗಳು

• ಕಂಪ್ಯೂಟರ್ ಜ್ಞಾನ (Computer Aptitude): 20 ಅಂಕಗಳು

ಕರ್ನಾಟಕದಲ್ಲಿರುವ ಪರೀಕ್ಷಾ ಕೇಂದ್ರಗಳು

ಅಭ್ಯರ್ಥಿಗಳಿಗೆ ಪರೀಕ್ಷೆ ಬರೆಯಲು ಅನುಕೂಲವಾಗುವಂತೆ ಬ್ಯಾಂಕ್ ವತಿಯಿಂದ ಕರ್ನಾಟಕದ ಪ್ರಮುಖ ನಗರಗಳಲ್ಲಿ ಪರೀಕ್ಷಾ ಕೇಂದ್ರಗಳನ್ನು (Exam Centers) ನೀಡಲಾಗಿದೆ. ಅವುಗಳೆಂದರೆ:

• ಬೆಂಗಳೂರು (Bengaluru)

• ಮೈಸೂರು (Mysuru)

• ಹುಬ್ಬಳ್ಳಿ-ಧಾರವಾಡ (Hubballi-Dharwad)

• ಶಿವಮೊಗ್ಗ (Shivamogga)

• ಬೆಳಗಾವಿ (Belagavi)

• ಕಲಬುರಗಿ (Kalaburagi)

ನಿಮ್ಮ ಹತ್ತಿರದ ನಗರವನ್ನೇ ಪರೀಕ್ಷಾ ಕೇಂದ್ರವಾಗಿ ಆಯ್ಕೆ ಮಾಡಿಕೊಳ್ಳುವ ಅವಕಾಶ ನಿಮಗಿದೆ.

ಯಶಸ್ಸಿಗೆ ಕೆಲವು ಸರಳ ತಯಾರಿ ಸಲಹೆಗಳು 

ಬ್ಯಾಂಕ್ ಪರೀಕ್ಷೆಗಳನ್ನು ಎದುರಿಸುವುದು ಕಷ್ಟವೇನಲ್ಲ, ಆದರೆ ನಿರಂತರ ಶ್ರಮ ಅಗತ್ಯ.

• ಸಮಯ ನಿರ್ವಹಣೆ: ಬ್ಯಾಂಕಿಂಗ್ ಪರೀಕ್ಷೆಗಳಲ್ಲಿ ವೇಗವೇ ಪ್ರಧಾನ. ಪ್ರತಿದಿನ ಟೈಮರ್ ಇಟ್ಟುಕೊಂಡು ಪ್ರಶ್ನೆಗಳನ್ನು ಬಿಡಿಸುವ ಅಭ್ಯಾಸ ಮಾಡಿ.

• ಪ್ರಚಲಿತ ವಿದ್ಯಮಾನಗಳು: ಸಾಮಾನ್ಯ ಜ್ಞಾನ ಹಾಗೂ ಬ್ಯಾಂಕಿಂಗ್ ಜ್ಞಾನಕ್ಕಾಗಿ ಪ್ರತಿದಿನ ಪತ್ರಿಕೆಗಳನ್ನು ಓದುವ ರೂಢಿ ಬೆಳೆಸಿಕೊಳ್ಳಿ.

• ಮಾದರಿ ಪರೀಕ್ಷೆ (Mock Tests): ಸಾಧ್ಯವಾದಷ್ಟು ಹೆಚ್ಚು ಆನ್‌ಲೈನ್ ಮಾದರಿ ಪರೀಕ್ಷೆಗಳನ್ನು ಬರೆಯಿರಿ. ಇದು ನಿಮ್ಮ ಆತ್ಮವಿಶ್ವಾಸವನ್ನು ಹೆಚ್ಚಿಸುತ್ತದೆ.

ಅರ್ಜಿ ಸಲ್ಲಿಸುವ ಸಂಪೂರ್ಣ ಹಂತ-ಹಂತವಾದ ಮಾಹಿತಿ

ಹಂತ 1: ಬ್ಯಾಂಕಿನ ಅಧಿಕೃತ ವೆಬ್‌ಸೈಟ್‌ಗೆ ಹೋಗಿ

• ಮೊದಲು ನಿಮ್ಮ ಮೊಬೈಲ್ ಅಥವಾ ಕಂಪ್ಯೂಟರ್‌ನಲ್ಲಿ ಗೂಗಲ್ ಓಪನ್ ಮಾಡಿ.

• ಪಂಜಾಬ್ ಮತ್ತು ಸಿಂಧ್ ಬ್ಯಾಂಕ್‌ನ ಅಧಿಕೃತ ವೆಬ್‌ಸೈಟ್ PANJAB & SINDH BANK ಟೈಪ್ ಮಾಡಿ ಓಪನ್ ಮಾಡಿ.

• ಅಲ್ಲಿ ಮೇಲ್ಗಡೆ “Recruitments” (ನೇಮಕಾತಿ) ಅನ್ನೋ ಆಯ್ಕೆ ಇರುತ್ತೆ, ಅದರ ಮೇಲೆ ಕ್ಲಿಕ್ ಮಾಡಿ.

ಹಂತ 2: ಹೊಸದಾಗಿ ರಿಜಿಸ್ಟರ್ ಆಗಿ (New Registration)

• ನೇಮಕಾತಿ ಪೇಜ್ ಓಪನ್ ಆದಮೇಲೆ, ಅಲ್ಲಿ LBO ಹುದ್ದೆಗಳಿಗೆ ಅರ್ಜಿ ಹಾಕುವ ಲಿಂಕ್ ಕಾಣುತ್ತದೆ. ಅದರ ಮೇಲೆ ಒತ್ತಿ.

• ಅಲ್ಲಿ “Click here for New Registration” (ಹೊಸ ನೋಂದಣಿ) ಅಂತ ಒಂದು ಹಳದಿ ಅಥವಾ ನೀಲಿ ಬಣ್ಣದ ಲಿಂಕ್ ಕಾಣುತ್ತೆ, ಅದನ್ನ ಕ್ಲಿಕ್ ಮಾಡಿ.

• ಈಗ ನಿಮ್ಮ ಪೂರ್ತಿ ಹೆಸರು, ಮೊಬೈಲ್ ನಂಬರ್, ಇಮೇಲ್ ಐಡಿ (Email ID) ಸ್ಪೆಲ್ಲಿಂಗ್ ಮಿಸ್ ಆಗದಂತೆ ಸರಿಯಾಗಿ ಟೈಪ್ ಮಾಡಿ.

• ಇಷ್ಟಾದ ಮೇಲೆ ನಿಮ್ಮ ಮೊಬೈಲ್ ನಂಬರ್ ಮತ್ತು ಇಮೇಲ್‌ಗೆ ಒಂದು ರಿಜಿಸ್ಟ್ರೇಷನ್ ನಂಬರ್ ಮತ್ತು ಪಾಸ್‌ವರ್ಡ್ (Password) ಮೆಸೇಜ್ ಬರುತ್ತೆ. ಅದನ್ನ ಒಂದು ಪುಸ್ತಕದಲ್ಲಿ ಹುಷಾರಾಗಿ ಬರೆದಿಟ್ಟುಕೊಳ್ಳಿ.

ಹಂತ 3: ನಿಮ್ಮ ವೈಯಕ್ತಿಕ ಮತ್ತು ಶೈಕ್ಷಣಿಕ ಮಾಹಿತಿ ತುಂಬಿ

• ಈಗ ನಿಮ್ಮ ಮೊಬೈಲ್‌ಗೆ ಬಂದಿರೋ ನಂಬರ್ ಮತ್ತು ಪಾಸ್‌ವರ್ಡ್ ಹಾಕಿ ಮತ್ತೆ ಲಾಗಿನ್ (Login) ಆಗಿ.

• ನಿಮ್ಮ ತಂದೆ-ತಾಯಿ ಹೆಸರು, ಹುಟ್ಟಿದ ದಿನಾಂಕ, ಜಾತಿ/ವರ್ಗ (Caste/Category) ಸರಿಯಾಗಿ ಆಯ್ಕೆ ಮಾಡಿ.

• SSLC, ಪಿಯುಸಿ, ಮತ್ತು ಡಿಗ್ರಿ ಮಾರ್ಕ್ಸ್ ಎಷ್ಟಿದೆ, ಯಾವ ವರ್ಷ ಪಾಸ್ ಆಗಿದ್ದು ಅಂತ ನಿಮ್ಮ ಒರಿಜಿನಲ್ ಮಾರ್ಕ್ಸ್ ಕಾರ್ಡ್ ನೋಡ್ಕೊಂಡೇ ನಿಧಾನಕ್ಕೆ ಟೈಪ್ ಮಾಡಿ. ಒಂದು ಸಣ್ಣ ತಪ್ಪು ಕೂಡ ಆಗಬಾರದು!

ಹಂತ 4: ಫೋಟೋ, ಸಹಿ ಮತ್ತು ಇತರ ದಾಖಲೆಗಳ ಅಪ್ಲೋಡ್

• ನಿಮ್ಮದು ಒಂದು ಇತ್ತೀಚಿನ ಪಾಸ್‌ಪೋರ್ಟ್ ಸೈಜ್ ಫೋಟೋವನ್ನು ಸ್ಕ್ಯಾನ್ ಮಾಡಿ ಅವರು ಕೇಳಿರುವ ಅಳತೆಯಲ್ಲಿ ಅಪ್ಲೋಡ್ ಮಾಡಬೇಕು.

• ಹಾಗೇ, ಒಂದು ಬಿಳಿ ಹಾಳೆಯ ಮೇಲೆ ಕಪ್ಪು ಪೆನ್ನಲ್ಲಿ ನೀಟಾಗಿ ಸಹಿ (Signature) ಮಾಡಿ, ಅದನ್ನೂ ಸ್ಕ್ಯಾನ್ ಮಾಡಿ ಅಪ್ಲೋಡ್ ಮಾಡಿ.

• (ನೆನಪಿರಲಿ: ಬ್ಯಾಂಕ್ ಪರೀಕ್ಷೆಗಳಲ್ಲಿ ಸಾಮಾನ್ಯವಾಗಿ ಎಡಗೈ ಹೆಬ್ಬೆಟ್ಟಿನ ಗುರುತು ಮತ್ತು ಸ್ವಂತ ಕೈಬರಹದ ಡಿಕ್ಲರೇಷನ್ ಕೂಡ ಕೇಳ್ತಾರೆ, ಅದನ್ನು ಫಾರ್ಮ್‌ನಲ್ಲಿ ಕೇಳಿದ್ದರೆ ನೀಟಾಗಿ ಬಿಳಿ ಹಾಳೆಯಲ್ಲಿ ಬರೆದು, ಸ್ಕ್ಯಾನ್ ಮಾಡಿ ಹಾಕಿ).

ಹಂತ 5: ಅರ್ಜಿ ಶುಲ್ಕ ಕಟ್ಟುವುದು (Fee Payment)

• ಎಲ್ಲಾ ಮಾಹಿತಿ ತುಂಬಿ, ಒಮ್ಮೆ ಚೆಕ್ ಮಾಡಿದ ಮೇಲೆ, ಕೊನೆಯದಾಗಿ ದುಡ್ಡು ಕಟ್ಟುವ ಹಂತ (Payment) ಬರುತ್ತೆ.

• ಸಾಮಾನ್ಯ (General), ಮತ್ತು ಓಬಿಸಿ (OBC) ಅಭ್ಯರ್ಥಿಗಳಿಗೆ 850 ರೂ. ಶುಲ್ಕ ಇರುತ್ತೆ. SC/ST ಮತ್ತು ಅಂಗವಿಕಲರಿಗೆ ಕೇವಲ 100 ರೂ. ಇರುತ್ತೆ.

• ಇದನ್ನ ನಿಮ್ಮ ಎಟಿಎಂ ಕಾರ್ಡ್ (Debit/Credit Card) ಅಥವಾ ಫೋನ್‌ಪೇ, ಗೂಗಲ್‌ಪೇ, ಪೇಟಿಎಂ (UPI) ಮುಖಾಂತರ ಆನ್‌ಲೈನ್‌ನಲ್ಲೇ ಸುಲಭವಾಗಿ ಕಟ್ಟಬಹುದು.

ಹಂತ 6: ಫೈನಲ್ ಸಬ್ಮಿಟ್ ಮತ್ತು ಪ್ರಿಂಟ್ (Final Printout)

• ದುಡ್ಡು ಕಟ್ಟಿದ ಮೇಲೆ ‘Submit‘ ಬಟನ್ ಒತ್ತಿ.

• ಈಗ ನಿಮ್ಮ ಅರ್ಜಿ ಪೂರ್ಣಗೊಂಡಿದೆ ಮತ್ತು ಯಶಸ್ವಿಯಾಗಿ ಸಬ್ಮಿಟ್ ಆಗಿದೆ ಅಂತ ಅರ್ಥ.

• ಕೊನೆಗೆ ಆ ಅರ್ಜಿಯನ್ನ ಒಂದು ಪ್ರಿಂಟ್ ಔಟ್ (Print out) ತೆಗೆದು ನಿಮ್ಮ ಫೈಲ್‌ನಲ್ಲಿ ಭದ್ರವಾಗಿ ಎತ್ತಿಟ್ಟುಕೊಳ್ಳಿ. ಮುಂದೆ ಪರೀಕ್ಷೆ ಬರೆಯುವಾಗ ಮತ್ತು ಕೆಲಸಕ್ಕೆ ಸೇರುವಾಗ ಈ ಪ್ರಿಂಟ್ ಔಟ್ ಖಂಡಿತ ಬೇಕಾಗುತ್ತೆ.

ಇದನ್ನೂ ಓದಿ: Phonepe New Rules: ಗೂಗಲ್‌ಪೇ ಫೋನ್‌ಪೇ ಬಳಸ್ತೀರಾ ಏಪ್ರಿಲ್ 1 ರಿಂದ ನಿಮ್ಮ ಹಣ ಉಳಿಸಲು RBI ತರ್ತಿದೆ 8 ಕಡಕ್ ರೂಲ್ಸ್

ನೌಕರಿ ನಿಮ್ಮದಾಗಲಿ ನನ್ನದೊಂದು ಪ್ರೀತಿಯ ಸಲಹೆ