ಬಡವರ ಸ್ವಂತ ಮನೆ ಕನಸಿಗೆ ಆಸರೆ: ಪ್ರಧಾನ ಮಂತ್ರಿ ಆವಾಸ್ ಯೋಜನೆ 2.0 ಅಡಿಯಲ್ಲಿ 4 ಲಕ್ಷ ಲಾಭ ಪಡೆಯೋದು ಹೆಂಗೆ ಅಂತೀರಾ ಇಲ್ಲಿದೆ ಪೂರ್ತಿ ವಿವರ

ಬಡವರ ಸ್ವಂತ ಮನೆ ಕನಸಿಗೆ ಆಸರೆ: ಪ್ರಧಾನ ಮಂತ್ರಿ ಆವಾಸ್ ಯೋಜನೆ 2.0 ಅಡಿಯಲ್ಲಿ 4 ಲಕ್ಷ ಲಾಭ ಪಡೆಯೋದು ಹೆಂಗೆ ಅಂತೀರಾ ಇಲ್ಲಿದೆ ಪೂರ್ತಿ ವಿವರ

ನಮ್ಮ ಹಳ್ಳಿ ಕಡೆ ಹಿರಿಯರು ಒಂದು ಮಾತು ಹೇಳ್ತಾರೆ, ಉಣ್ಣೋಕೆ ಗಂಜಿಯಾದ್ರೂ ಇರ್ಲಿ ಆದ್ರೆ ಮಲಗೋಕೆ ತಲೆ ಮೇಲೆ ನಮ್ಮದೇ ಆದ ಒಂದು ಸ್ವಂತ ಸೂರು ಇರಬೇಕು ಅಂತ.

ಹೌದಲ್ವಾ ಜೀವನದಲ್ಲಿ ಎಷ್ಟೇ ಸಂಪಾದನೆ ಮಾಡಿದ್ರೂ, ಸ್ವಂತದ್ದೊಂದು ಗೂಡು ಇಲ್ಲ ಅಂದ್ರೆ ಮನಸ್ಸಿಗೆ ನೆಮ್ಮದಿ ಇರಲ್ಲ.

ಹಳ್ಳಿಯಿಂದ ಪೇಟೆ, ಪಟ್ಟಣಗಳಿಗೆ ಬಂದು ದುಡಿಯುವ ನಮ್ಮ ಜನ, ಬಾಡಿಗೆ ಮನೇಲಿ ಇದ್ದು ಇದ್ದು ಸುಸ್ತಾಗಿರ್ತಾರೆ.

ತಿಂಗಳಾದ್ರೆ ಸಾಕು, ಸಂಬಳದ ಅರ್ಧ ದುಡ್ಡು ಮನೆ ಮಾಲೀಕನ ಕೈ ಸೇರುತ್ತೆ. ವರ್ಷಕ್ಕೊಮ್ಮೆ ಮನೆ ಖಾಲಿ ಮಾಡು ಅಂದಾಗ, ಆಟೋದಲ್ಲಿ ಸಾಮಾನು ತುಂಬಿಕೊಂಡು ಅಲೆಯುವ ಗೋಳು ದೇವರಿಗೇ ಪ್ರೀತಿ

ನಮಗೂ ಒಂದು ಪುಟ್ಟದಾದ ಸ್ವಂತ ಮನೆ ಇರಬೇಕು ಅನ್ನೋದು ಪ್ರತಿಯೊಬ್ಬ ಬಡವನ ಹಾಗೂ ಮಧ್ಯಮ ವರ್ಗದವರ ಜೀವನದ ಅತಿದೊಡ್ಡ ಕನಸು.

ಆದ್ರೆ, ಈಗಿನ ದುಬಾರಿ ಕಾಲದಲ್ಲಿ ಜಾಗ ತಗೊಂಡು, ಕಲ್ಲು, ಮಣ್ಣು, ಸಿಮೆಂಟ್, ಕಬ್ಬಿಳ ತಂದು ಮನೆ ಕಟ್ಟೋದು ಅಂದ್ರೆ ಸುಲಭದ ಮಾತೇನ್ರಿ

ಖಂಡಿತ ಕಷ್ಟ. ಕೂಡಿಟ್ಟ ಕಾಸೆಲ್ಲಾ ಜಾಗಕ್ಕೇ ಮುಗಿದು ಹೋಗಿರುತ್ತೆ. ಇನ್ನೇನು ಮನೆ ಕಟ್ಟೋದು ಅಂತ ಸುಮ್ಮನಾಗಿ ಬಿಡ್ತಾರೆ.

ಆದ್ರೆ, ಇನ್ಮುಂದೆ ನೀವು ಈ ಬಗ್ಗೆ ಹೆಚ್ಚು ಚಿಂತೆ ಮಾಡೋಕೆ ಹೋಗಬೇಡಿ. ನಿಮ್ಮ ಈ ಸ್ವಂತ ಮನೆಯ ಕನಸನ್ನ ನನಸು ಮಾಡೋಕೆ ಅಂತಾನೇ ಕೇಂದ್ರ ಸರ್ಕಾರ ಒಂದು ಭರ್ಜರಿ ಯೋಜನೆ ತಂದಿದೆ.

ಅದೇ ಪ್ರಧಾನ ಮಂತ್ರಿ ಆವಾಸ್ ಯೋಜನೆ ಅರ್ಬನ್ 2.0 (PMAY-U 2.0). ಬನ್ನಿ, ಇದರ ಲಾಭ ಹೆಂಗೆ ಪಡೆಯೋದು ಅಂತ ನಮ್ಮದೇ ಭಾಷೇಲಿ, ಸರಳವಾಗಿ ಬಿಡಿಸಿ ಹೇಳ್ತೀನಿ ಕೇಳಿ.

ಏನಿದು ಸರ್ಕಾರದ ಹೊಸ ಪ್ಲಾನ್

ನೋಡ್ರಪ್ಪ, ಈ ಪ್ರಧಾನ ಮಂತ್ರಿ ಆವಾಸ್ ಯೋಜನೆ ಅನ್ನೋದು ಬಹಳ ವರ್ಷಗಳಿಂದಾನೇ ಇತ್ತು. ಆದ್ರೆ ಇವಾಗ ಸೆಪ್ಟೆಂಬರ್ 2024 ರಿಂದ ಹೊಸದಾಗಿ, ಇನ್ನೂ ಹೆಚ್ಚಿನ ಲಾಭಗಳೊಂದಿಗೆ ಅರ್ಬನ್ 2.0 ಅಂತ ಶುರು ಮಾಡಿದ್ದಾರೆ.

ಮುಂದಿನ ಐದು ವರ್ಷದಲ್ಲಿಅಂದ್ರೆ 2024 ರಿಂದ 2029ರ ಒಳಗೆ ಪೇಟೆ, ನಗರ ಪ್ರದೇಶಗಳಲ್ಲಿ ವಾಸ ಮಾಡ್ತಿರೋ ಬರೋಬ್ಬರಿ ಒಂದು ಕೋಟಿ ಜನರಿಗೆ ಸ್ವಂತ ಮನೆ ಕಟ್ಟಿಕೊಡಬೇಕು ಅನ್ನೋದು ಸರ್ಕಾರದ ಗುರಿ.

ನೀವೇನಾದ್ರು ಮನೆ ಕಟ್ಟಬೇಕು, ಕಟ್ಟಿರೋ ಮನೆ ಖರೀದಿಸಬೇಕು ಅಥವಾ ಅಪಾರ್ಟ್‌ಮೆಂಟ್ ತಗೋಬೇಕು ಅಂತ ಬ್ಯಾಂಕ್‌ನಲ್ಲಿ ಲೋನ್ (ಗೃಹ ಸಾಲ) ಮಾಡಿದ್ರೆ, ಸರ್ಕಾರ ನಿಮಗೆ ಸಬ್ಸಿಡಿ ಕೊಡುತ್ತೆ.

ಎಷ್ಟು ಕೊಡುತ್ತೆ ಗೊತ್ತಾ ನೇರವಾಗಿ 1 ಲಕ್ಷದ 80 ಸಾವಿರ ರೂಪಾಯಿಗಳನ್ನ ನಿಮ್ಮ ಬ್ಯಾಂಕ್ ಖಾತೆಗೆ ಹಾಕುತ್ತೆ

ಇದೆಲ್ಲಾ ಸೇರಿ, ಬಡ್ಡಿ ಲೆಕ್ಕಾಚಾರ ಹಾಕಿದ್ರೆ ನಿಮಗೆ ಒಟ್ಟು 4 ಲಕ್ಷದವರೆಗೂ ಉಳಿತಾಯ ಆಗುತ್ತೆ. ಅದು ಹೆಂಗೆ ಅಂತ ಮುಂದೆ ಹೇಳ್ತೀನಿ.

ಇದನ್ನೂ ಓದಿ:  ಬರೀ ಒಂದು ಮಿಸ್ಡ್ ಕಾಲ್ ಕೊಡಿ: ಎಸ್‌ಬಿಐ (SBI) ಯಿಂದ ಮನೆಬಾಗಿಲಿಗೆ ಬರಲಿದೆ ₹50 ಲಕ್ಷದವರೆಗಿನ ಸಾಲ

ಯಾರಿಗೆಲ್ಲ ಸಿಗುತ್ತೆ ಈ ಭಾಗ್ಯ

ಈ ಯೋಜನೆ ಎಲ್ಲರಿಗೂ, ಅಂದ್ರೆ ದೊಡ್ಡ ದೊಡ್ಡ ಶ್ರೀಮಂತರಿಗೆ ಸಿಗಲ್ಲ. ಇದಕ್ಕೆ ಅಂತಾನೇ ಕೆಲವೊಂದು ನಿಯಮಗಳಿವೆ.

ಸರ್ಕಾರ ಬಡವರು ಮತ್ತು ಮಧ್ಯಮ ವರ್ಗದವರನ್ನೇ ಗಮನದಲ್ಲಿಟ್ಟುಕೊಂಡು ಈ ಯೋಜನೆ ಮಾಡಿರೋದು. ನಿಮ್ಮ ವಾರ್ಷಿಕ ಆದಾಯದ ಮೇಲೆ ಇದು ನಿರ್ಧಾರ ಆಗುತ್ತೆ.

• ಆದಾಯದ ಮಿತಿ: ನಿಮ್ಮ ಕುಟುಂಬದ ಒಟ್ಟು ವಾರ್ಷಿಕ ಆದಾಯ (ವರ್ಷದ ಸಂಪಾದನೆ) 3 ಲಕ್ಷದಿಂದ 9 ಲಕ್ಷದ ಒಳಗೆ ಇರಬೇಕು.

• 3 ಲಕ್ಷದವರೆಗೆ ಆದಾಯ ಇದ್ದರೆ, ಅವರನ್ನ ಆರ್ಥಿಕವಾಗಿ ಹಿಂದುಳಿದ ವರ್ಗ (EWS) ಅಂತ ಕರೀತಾರೆ. ಇವರಿಗೆ ಈ ಯೋಜನೆ ಸಿಗುತ್ತೆ.

• 3 ಲಕ್ಷದಿಂದ 6 ಲಕ್ಷದವರೆಗೆ ಆದಾಯ ಇದ್ದರೆ, ಕಡಿಮೆ ಆದಾಯದ ವರ್ಗ (LIG) ಅಂತಾರೆ. ಇವರಿಗೂ ಸಿಗುತ್ತೆ.

• 6 ಲಕ್ಷದಿಂದ 9 ಲಕ್ಷದವರೆಗೆ ಆದಾಯ ಇದ್ದರೆ, ಮಧ್ಯಮ ಆದಾಯ ವರ್ಗ (MIG) ಅಂತಾರೆ. ಇವರಿಗೂ ಈ ಸಬ್ಸಿಡಿ ಭಾಗ್ಯ ಉಂಟು.

• ನಿಮ್ಮ ಆದಾಯ 9 ಲಕ್ಷಕ್ಕಿಂತ ಜಾಸ್ತಿ ಇದ್ರೆ, ಈ ಯೋಜನೆಯ ಲಾಭ ನಿಮಗೆ ಸಿಗೋದಿಲ್ಲ.

ಪಕ್ಕಾ ಮನೆ ಇದ್ರೆ ಸಿಗಲ್ಲ ಕಣ್ರೀ

ಇದು ಬಹಳ ಮುಖ್ಯವಾದ ನಿಯಮ. ಇಡೀ ಭಾರತದ ಯಾವುದೇ ಮೂಲೆಯಲ್ಲಿ, ನಿಮ್ಮ ಹೆಸರಲ್ಲಿ ಅಥವಾ ನಿಮ್ಮ ಕುಟುಂಬದವರ ಹೆಸರಲ್ಲಿ ಒಂದು ಪಕ್ಕಾ ಮನೆ ಇರಬಾರದು.

ಪಕ್ಕಾ ಮನೆ ಅಂದ್ರೆ ಏನು ಸಿಮೆಂಟ್ ಕಾಂಕ್ರೀಟ್ ಹಾಕಿ, ಮಳೆ-ಗಾಳಿ, ಗುಡುಗು-ಸಿಡಿಲಿಗೆ ಜಗ್ಗದ ಗಟ್ಟಿಮುಟ್ಟಾದ ಮನೆ ಇದ್ರೆ, ನಿಮಗೆ ಈ ಯೋಜನೆ ಅನ್ವಯ ಆಗಲ್ಲ.

ನೀವೇನಾದ್ರು ಹಳೇ ಮಣ್ಣಿನ ಮನೆ, ಹೆಂಚಿನ ಮನೆ, ಸೋರುವ ಮನೆ ಅಥವಾ ಗುಡಿಸಲಲ್ಲಿ (ಕಚ್ಚಾ ಮನೆ) ಇದ್ದು, ಈಗ ಹೊಸದಾಗಿ ಪೇಟೇಲಿ ಮನೆ ಮಾಡಬೇಕು ಅನ್ಕೊಂಡಿದ್ರೆ, ಖಂಡಿತ ಈ ಯೋಜನೆಗೆ ನೀವು ಅರ್ಜಿ ಹಾಕಬಹುದು.

ಮನೆ ಯಜಮಾನಿಗೆ ಮೊದಲ ಮಣೆ

ನಮ್ಮ ಹೆಣ್ಣುಮಕ್ಕಳಿಗೆ ಈ ಯೋಜನೆಯಲ್ಲಿ ವಿಶೇಷವಾದ ಮರ್ಯಾದೆ ಕೊಟ್ಟಿದ್ದಾರೆ. ಹೌದು, ನೀವು ಈ ಯೋಜನೆ ಅಡಿಯಲ್ಲಿ ಮನೆ ತಗೋಬೇಕು ಅಂದ್ರೆ, ಆ ಮನೆಯ ರಿಜಿಸ್ಟ್ರೇಷನ್ ಕಡ್ಡಾಯವಾಗಿ ಮನೆಯ ಮಹಿಳೆಯ ಹೆಸರಿನಲ್ಲಿಯೇ ಆಗಬೇಕು.

ಅಥವಾ ಮನೆಯ ಯಜಮಾನ ಮತ್ತು ಯಜಮಾನಿ (ಗಂಡ-ಹೆಂಡತಿ) ಇಬ್ಬರ ಹೆಸರಿನಲ್ಲಿ ಜಂಟಿಯಾಗಿ ರಿಜಿಸ್ಟ್ರೇಷನ್ ಮಾಡಿಸಬೇಕು.

ಇದರಿಂದ ಮಹಿಳೆಯರಿಗೂ ಒಂದು ಹಕ್ಕು, ಆರ್ಥಿಕ ಅಧಿಕಾರ ಮತ್ತು ಭದ್ರತೆ ಸಿಕ್ಕಂತಾಗುತ್ತೆ. ಮನೆ ಬೆಳಗೋ ಮಹಾಲಕ್ಷ್ಮಿಯ ಹೆಸರಲ್ಲೇ ಮನೆ ಇದ್ರೆ, ಆ ಮನೆಯೇ ಒಂದು ದೇವಸ್ಥಾನ ಅಲ್ವಾ

ಇದನ್ನೂ ಓದಿ: E-Chavadi: ಇ ಚಾವಡಿ ಮಾಹಿತಿ ನಮ್ಮೂರ ಜಮೀನಿನ ಜಾತಕ ಈಗ ನಿಮ್ಮ ಮೊಬೈಲ್‌ನಲ್ಲೇ

1.8 ಲಕ್ಷ ಸರ್ಕಾರದಿಂದ 4 ಲಕ್ಷ ಲಾಭ ಹೆಂಗೆ

ಇದೇ ನೋಡಿ ಅಸಲಿ ಲೆಕ್ಕಾಚಾರದ ಮ್ಯಾಜಿಕ್ ನೀವು ಬ್ಯಾಂಕಿನಿಂದ ಮನೆ ಕಟ್ಟೋಕೆ ಲೋನ್ ತಗೋತೀರಾ ಅಲ್ವಾ ಆ ಲೋನ್‌ಗೆ ಬಡ್ಡಿ ಕಟ್ಟಬೇಕು. ಲಾಭ ಹೆಂಗೆ ಆಗುತ್ತೆ ಅಂತ ಬಿಡಿಸಿ ಹೇಳ್ತೀನಿ ಕೇಳಿ.

• ಈ ಯೋಜನೆಯಲ್ಲಿ ಸಬ್ಸಿಡಿ ಪಡೆಯಲು, ನೀವು ಬ್ಯಾಂಕಿನಲ್ಲಿ ಗರಿಷ್ಠ 25 ಲಕ್ಷದವರೆಗೆ ಮಾತ್ರ ಸಾಲ (Loan) ಪಡೆದಿರಬೇಕು.

• ಹಾಗೇ, ನೀವು ಕಟ್ಟುವ ಅಥವಾ ಖರೀದಿಸುವ ಮನೆಯ ಒಟ್ಟು ಬೆಲೆ 35 ಲಕ್ಷ ಮೀರುವಂತಿಲ್ಲ.

• ನಿಮ್ಮ ಸಾಲದ ಒಟ್ಟು ಮೊತ್ತದಲ್ಲಿ, ಮೊದಲ 8 ಲಕ್ಷ ರೂಪಾಯಿಗೆ ಮಾತ್ರ ಸರ್ಕಾರ ಶೇಕಡಾ 4 ರಷ್ಟು ಬಡ್ಡಿ ಸಬ್ಸಿಡಿ ಕೊಡುತ್ತೆ.

• ಅಂದ್ರೆ ವರ್ಷಕ್ಕೆ 36,000 ರೂಪಾಯಿಯಂತೆ, ಸತತ 5 ವರ್ಷಗಳ ಕಾಲ ಈ ಹಣ ನಿಮ್ಮ ಬ್ಯಾಂಕ್ ಖಾತೆಗೆ ನೇರವಾಗಿ ಜಮೆಯಾಗುತ್ತೆ.

• ಹೀಗೆ 5 ವರ್ಷಕ್ಕೆ ಒಟ್ಟು 1,80,000 ರೂಪಾಯಿ ಸಬ್ಸಿಡಿ ನಿಮ್ಮ ಲೋನ್ ಅಕೌಂಟ್‌ಗೆ ಜಮೆ ಆಗುತ್ತೆ.

• ಸರ್ಕಾರ ನಿಮ್ಮ ಅಸಲಿನ ಹಣಕ್ಕೆ (Principal Amount) ಹೀಗೆ ದುಡ್ಡು ಹಾಕಿದಾಗ, ನೀವು ಬ್ಯಾಂಕಿಗೆ ಕಟ್ಟಬೇಕಾದ ಅಸಲು ಒಮ್ಮೆಲೇ ಕಡಿಮೆ ಆಗುತ್ತಾ ಹೋಗುತ್ತೆ.

• ಅಸಲು ಕಡಿಮೆ ಆದಾಗ, ಅದರ ಮೇಲಿನ ಬಡ್ಡಿಯೂ ಕಡಿಮೆ ಆಗುತ್ತೆ. ನೀವು ಕಟ್ಟಬೇಕಾದ ಬಡ್ಡಿಯಲ್ಲೇ ಬರೋಬ್ಬರಿ 2 ಲಕ್ಷದ 20 ಸಾವಿರ ರೂಪಾಯಿ ಉಳಿತಾಯ ಆಗುತ್ತೆ

• ಒಟ್ಟಾರೆಯಾಗಿ 1,80,000 ಸಬ್ಸಿಡಿ ಮತ್ತು 2,20,000 ಬಡ್ಡಿ ಉಳಿತಾಯ. ಎರಡೂ ಸೇರಿ, ನಿಮಗೆ ಬರೋಬ್ಬರಿ 4 ಲಕ್ಷ ರೂಪಾಯಿಯಷ್ಟು ದೊಡ್ಡ ಮೊತ್ತದ ಲಾಭ ಸಿಗುತ್ತೆ.

ನೆನಪಿರಲಿ ಈ ಮುಖ್ಯ ರೂಲ್ಸ್

ಯೋಜನೆಗೆ ಅರ್ಜಿ ಹಾಕುವ ಮುನ್ನ ಈ ಕೆಳಗಿನ ನಿಯಮಗಳನ್ನು ಸರಿಯಾಗಿ ನೆನಪಿಟ್ಟುಕೊಳ್ಳಿ:

• ಒಮ್ಮೆ ಮಾತ್ರ ಅವಕಾಶ: ಒಂದು ಕುಟುಂಬಕ್ಕೆ ಜೀವನದಲ್ಲಿ ಒಮ್ಮೆ ಮಾತ್ರ ಈ ಸಬ್ಸಿಡಿ ಭಾಗ್ಯ ಸಿಗುತ್ತೆ. ಪದೇ ಪದೇ ಮನೆ ಕಟ್ತೀನಿ, ಸಬ್ಸಿಡಿ ಕೊಡಿ ಅಂದ್ರೆ ಸಿಗಲ್ಲ.

• ಹಳೇ ಲಾಭ ಪಡೆದಿರಬಾರದು: ಕಳೆದ 20 ವರ್ಷಗಳಲ್ಲಿ ನೀವು ಮನೆ ಕಟ್ಟೋಕೆ ಅಂತ ಬೇರೆ ಯಾವುದೇ ಸರ್ಕಾರಿ ಯೋಜನೆಯಲ್ಲಿ (ಕೇಂದ್ರ ಅಥವಾ ರಾಜ್ಯ ಸರ್ಕಾರದಿಂದ) ಸಹಾಯಧನ ಪಡೆದಿರಬಾರದು.

• ಮನೆಯ ಅಳತೆ: ಮನೆಯ ಜಾಗ (Carpet Area) 120 ಚದರ ಮೀಟರ್ ಅಂದ್ರೆ ಸುಮಾರು 1200 ಚದರ ಅಡಿ (Sq.ft) ಗಿಂತ ಜಾಸ್ತಿ ಇರಬಾರದು. 1200 ಅಡಿ ಅಂದ್ರೆ ಒಂದು ಸುಂದರವಾದ, ವಿಶಾಲವಾದ 2BHK ಮನೆ ಕಟ್ಟಬಹುದು.

• ಹೊಸ ಲೋನ್ ಆಗಿರಬೇಕು: ಸೆಪ್ಟೆಂಬರ್ 2024ರ ನಂತರ ಪಡೆದ ಗೃಹಸಾಲಗಳಿಗೆ ಮಾತ್ರ ಈ ಹೊಸ ನಿಯಮ ಅನ್ವಯ ಆಗುತ್ತೆ.

• ಲೋನ್ ಟ್ರಾನ್ಸ್‌ಫರ್ ಮಾಡಿದ್ರೆ ಸಿಗಲ್ಲ: ನೀವು ಈಗಾಗ್ಲೇ ಒಂದು ಬ್ಯಾಂಕಲ್ಲಿ ಲೋನ್ ತಗೊಂಡು, ಸಬ್ಸಿಡಿ ಆಸೆಗಾಗಿ ಬೇರೆ ಬ್ಯಾಂಕಿಗೆ ಲೋನ್ ಟ್ರಾನ್ಸ್‌ಫರ್ ಮಾಡಿದ್ರೆ ಈ ಯೋಜನೆ ಲಾಭ ಸಿಗೋದಿಲ್ಲ.

ಅರ್ಜಿ ಹಾಕೋದು ಹೆಂಗೆ

ಇಷ್ಟೆಲ್ಲಾ ಲಾಭ ಇದೆ ಅಂದ್ಮೇಲೆ ಅರ್ಜಿ ಹಾಕೋದು ಹೆಂಗೆ ಸರ್ಕಾರಿ ಕಛೇರಿಗಳಿಗೆ ಚಪ್ಪಲಿ ಸವೆಸಿಕೊಂಡು ಅಲೆಯಬೇಕಾ

ಖಂಡಿತ ಬೇಡ ಈಗ ಕಾಲ ಬದಲಾಗಿದೆ, ಎಲ್ಲವೂ ಆನ್‌ಲೈನ್ ಆಗಿದೆ. ತುಂಬಾ ಸುಲಭವಾಗಿ ಅರ್ಜಿ ಹಾಕಬಹುದು.

• ನಿಮ್ಮ ಮೊಬೈಲ್ ಅಥವಾ ಹತ್ತಿರದ ಇಂಟರ್ನೆಟ್ ಸೆಂಟರ್‌ಗೆ ಹೋಗಿ, ಕೇಂದ್ರ ಸರ್ಕಾರದ ಅಧಿಕೃತ ವೆಬ್‌ಸೈಟ್ pmay-urban.gov.in ಗೆ ಭೇಟಿ ನೀಡಿ.

• ಅಲ್ಲಿ ಮುಖಪುಟದಲ್ಲೇ PMAY Urban 2.0 Apply ಅನ್ನೋ ಲಿಂಕ್ ಕಾಣಿಸುತ್ತೆ. ಅದರ ಮೇಲೆ ಕ್ಲಿಕ್ ಮಾಡಿ.

• ಅಲ್ಲಿ ಕೇಳುವ ನಿಮ್ಮ ಆಧಾರ್ ಕಾರ್ಡ್ ನಂಬರ್, ವಾರ್ಷಿಕ ಆದಾಯದ ವಿವರ, ಫೋನ್ ನಂಬರ್ ಮತ್ತು ಆಸ್ತಿಯ ವಿವರಗಳನ್ನ ಸರಿಯಾಗಿ ತುಂಬಿ.

• ನಿಮ್ಮ ಮೊಬೈಲ್‌ಗೆ ಬರುವ ಆಧಾರ್ ಓಟಿಪಿ (OTP) ಹಾಕಿ ದೃಢೀಕರಿಸಿ.

• ಆದಾಯ ಪ್ರಮಾಣಪತ್ರ, ಬ್ಯಾಂಕ್ ವಿವರ ಮುಂತಾದ ಅಗತ್ಯ ದಾಖಲೆಗಳನ್ನು ಸ್ಕ್ಯಾನ್ ಮಾಡಿ ಅಪ್‌ಲೋಡ್ ಮಾಡಿ ಅರ್ಜಿ ಸಲ್ಲಿಸಿ.

• ಅರ್ಜಿ ಹಾಕಿದ ಮೇಲೆ ಒಂದು ಅರ್ಜಿ ಸಂಖ್ಯೆ (Application Number) ಬರುತ್ತದೆ. ಅದನ್ನು ಬರೆದಿಟ್ಟುಕೊಳ್ಳಿ. ಮುಂದೆ ನಿಮ್ಮ ಅರ್ಜಿ ಎಲ್ಲಿದೆ ಅಂತ ಚೆಕ್ ಮಾಡೋಕೆ ಇದು ಬೇಕಾಗುತ್ತೆ.

ಇದನ್ನೂ ಓದಿ: ಗೃಹ ಜ್ಯೋತಿ ಯೋಜನೆ ಉಚಿತ ವಿದ್ಯುತ್ ಲೆಕ್ಕಾಚಾರ 200 ಯೂನಿಟ್ ಫ್ರೀ ಅಸಲಿ ಸತ್ಯ ಇಲ್ಲಿದೆ Gruha Jyothi Scheme

ಬ್ಯಾಂಕ್ ಮೂಲಕವೂ ಅರ್ಜಿ ಹಾಕಬಹುದು

ಇಲ್ಲಪ್ಪಾ, ನಮಗೆ ಇದೆಲ್ಲಾ ಆನ್‌ಲೈನ್, ಇಂಟರ್ನೆಟ್ ಮಾಡೋಕೆ ಬರಲ್ಲ ಅಂದ್ರೆ, ತಲೆಬಿಸಿ ಮಾಡ್ಕೋಬೇಡಿ. ನೀವು ಮನೆ ಕಟ್ಟಲು ಯಾವ ಬ್ಯಾಂಕಿನಲ್ಲಿ ಗೃಹ ಸಾಲ (Home Loan) ತಗೋತೀರೋ, ನೇರವಾಗಿ ಅದೇ ಬ್ಯಾಂಕ್ ಮ್ಯಾನೇಜರ್ ಹತ್ತಿರ ಹೋಗಿ ಕೇಳಿ.

ನಾವು ಪ್ರಧಾನ ಮಂತ್ರಿ ಆವಾಸ್ ಯೋಜನೆಗೆ ಅರ್ಹರಿದ್ದೀವಿ, ನಮಗೆ ಸಬ್ಸಿಡಿ ಬೇಕು ಅಂತ ಹೇಳಿ. ನೀವು ಲೋನ್ ಮಾಡುವಾಗಲೇ ಬ್ಯಾಂಕಿನವರೇ ಈ ಯೋಜನೆಗೂ ಅರ್ಜಿ ಹಾಕಿ, ಎಲ್ಲವನ್ನೂ ಆನ್‌ಲೈನ್ ಮಾಡಿ ನಿಮ್ಮ ಪರವಾಗಿ ಕೆಲಸ ಮಾಡಿಕೊಡ್ತಾರೆ. ಇದು ಇನ್ನೂ ಸುಲಭದ ದಾರಿ.

ನಿಮ್ಮದೇ ಮನೇಲಿ ನೆಮ್ಮದಿಯ ಉಸಿರೆಳೆಯಿರಿ

ನೋಡಿದ್ರಲ್ಲಾ ಅಣ್ಣ-ತಮ್ಮಂದಿರೇ, ನಮ್ಮ ಸ್ವಂತ ಮನೆಯ ಕನಸನ್ನ ನನಸು ಮಾಡಿಕೊಳ್ಳೋಕೆ ಸರ್ಕಾರವೇ ಕೊಟ್ಟಿರುವ ಇದೊಂದು ಭರ್ಜರಿ ಅವಕಾಶ.

ಬಡವರು, ಮಧ್ಯಮ ವರ್ಗದವರು ಕಷ್ಟಪಟ್ಟು ಬೆವರು ಸುರಿಸಿ ದುಡಿದ ಹಣವನ್ನ ಸುಖಾಸುಮ್ಮನೆ ಬಡ್ಡಿಗೆ, ಬಾಡಿಗೆಗೆ ಸುರಿಯೋ ಬದಲು, ಈ ತರಹದ ಸರ್ಕಾರಿ ಯೋಜನೆಗಳ ಲಾಭ ಪಡ್ಕೊಳ್ಳಬೇಕು.

ಸಬ್ಸಿಡಿ ಹಣದಿಂದ ಸಾಲದ ಹೊರೆ ಕಡಿಮೆಯಾಗುತ್ತೆ. ಬಾಡಿಗೆ ಮನೆ ಬಿಟ್ಟು, ನಮ್ಮದೇ ಆದ ಸ್ವಂತ ಮನೇಲಿ ರಾಜನ ತರಹ ಬದುಕಬಹುದು.

ನಿಮ್ಮ ಊರಿನಲ್ಲಿ, ನಿಮ್ಮ ಅಕ್ಕ-ಪಕ್ಕದಲ್ಲಿ, ಬಂಧು-ಮಿತ್ರರಲ್ಲಿ ಯಾರಿಗಾದರೂ ಸ್ವಂತ ಮನೆ ಕಟ್ಟುವ ಆಸೆ ಇದ್ದರೆ, ದಯವಿಟ್ಟು ಈ ಮಾಹಿತಿಯನ್ನು ಅವರಿಗೂ ತಿಳಿಸಿ. ಅವರ ಕನಸಿಗೂ ನೀವು ಒಂದು ಆಸರೆಯಾಗಿ.

ಏನಂತೀರಾ? ಇಂದೇ ನಿಮ್ಮ ಆದಾಯ ಪ್ರಮಾಣಪತ್ರ, ದಾಖಲೆಗಳನ್ನ ಸರಿ ಮಾಡಿಕೊಳ್ಳಿ. ಬ್ಯಾಂಕಿಗೆ ಹೋಗಿ ಮಾಹಿತಿ ಕೇಳಿ. ನಿಮ್ಮ ಕನಸಿನ ಸುಂದರ ಮನೆಯ ಒಡೆಯರಾಗಿ. ಶುಭವಾಗಲಿ