2006ರ ಭಾಗ್ಯಲಕ್ಷ್ಮಿ ಬಾಂಡ್ ಪಡೆದವರಿಗೆ ಭರ್ಜರಿ ಸಿಹಿಸುದ್ದಿ: ಲಕ್ಷ ಲಕ್ಷ ಹಣ ಪಡೆಯುವುದು ಹೇಗೆ ಸಂಪೂರ್ಣ ಮಾಹಿತಿ
ನಮ್ಮ ಹಳ್ಳಿ ಕಡೇಲಿ ಒಂದು ಮಾತಿದೆ, ಹೆಣ್ಣುಮಗು ಮನೆಗೆ ಬಂದ್ರೆ ಸಾಕ್ಷಾತ್ ಆ ಮಹಾಲಕ್ಷ್ಮಿಯೇ ಒಲಿದು ಬಂದಾಗೆ ಅಂತ. ಆದ್ರೆ, ಮಗು ಹುಟ್ಟಿ ಸ್ವಲ್ಪ ದೊಡ್ಡದಾಗ್ತಾ ಇದ್ದಂಗೆ ಆ ತಂದೆ-ತಾಯಿಗೆ ಮಗಳ ಓದು, ಮದುವೆ, ಮುಂದಿನ ಭವಿಷ್ಯದ ಬಗ್ಗೆ ಒಂಚೂರು ಚಿಂತೆ ಶುರುವಾಗೋದು ಸಹಜ ಅಲ್ವಾ ಬಡತನದಲ್ಲಿ ಹುಟ್ಟಿದ ಹೆಣ್ಣುಮಕ್ಕಳನ್ನ ಓದಿಸೋದು ಹೇಗೆ ಅಂತ ಬಹಳಷ್ಟು ಜನ ಕಣ್ಣೀರು ಹಾಕಿದ್ದೂ ಇದೆ.
ಹೀಗೆ ನಮ್ಮ ರೈತರು, ಬಡ ಕೂಲಿಕಾರ್ಮಿಕರು ಹೆಣ್ಣುಮಕ್ಕಳ ಭವಿಷ್ಯದ ಬಗ್ಗೆ ಚಿಂತೆ ಮಾಡಬಾರದು ಅಂತಾನೆ, ಇಂದಿಗೆ ಸರಿಯಾಗಿ 18 ವರ್ಷಗಳ ಹಿಂದೆ ಅಂದ್ರೆ 2006ರಲ್ಲಿ ಸರ್ಕಾರ ಒಂದು ಒಳ್ಳೆ ಯೋಜನೆ ತಂದಿತ್ತು. ಅದೇ ನಮ್ ಭಾಗ್ಯಲಕ್ಷ್ಮಿ ಯೋಜನೆ.
ಅವತ್ತು ಆ ಯೋಜನೆಯಡಿ ಯಾವ್ಯಾವ ಹೆಣ್ಣುಮಕ್ಕಳ ಹೆಸರಿನಲ್ಲಿ ನೀವೆಲ್ಲಾ ಬಾಂಡ್ ಬರೆಸಿದ್ದರೋ, ಆ ಹೆಣ್ಣುಮಕ್ಕಳಿಗೀಗ 18 ವರ್ಷ ತುಂಬಿದೆ. ಹಾಗಾಗಿ, ಆ ಬಾಂಡ್ ಈಗ ಮೆಚುರಿಟಿ Maturity ಆಗಿ, ಲಕ್ಷ-ಲಕ್ಷ ಹಣ ನಿಮ್ಮ ಕೈಗೆ ಬರುವ ಕಾಲ ಕೂಡಿಬಂದಿದೆ
ಹೌದ್ರಿ, ನೀವು ಕೇಳಿದ್ದು ನೂರಕ್ಕೆ ನೂರು ಸತ್ಯ. ಅಂದು ಸರ್ಕಾರ ನಿಮ್ಮ ಕೈಗಿಟ್ಟಿದ್ದ ಆ ಒಂದು ಹಾಳೆ ಬಾಂಡ್, ಇವತ್ತು ನಿಮ್ಮ ಮಗಳ ಭವಿಷ್ಯಕ್ಕೆ ದೊಡ್ಡ ಆಸರೆಯಾಗಲಿದೆ. ಹಾಗಾದ್ರೆ, ಈ ಭಾಗ್ಯಲಕ್ಷ್ಮಿ ಬಾಂಡ್ನಿಂದ ಹಣ ಪಡೆಯೋದು ಹೇಗೆ ಎಲ್ಲೆಲ್ಲಿ ಯಾವ ಕಾಗದ ಪತ್ರ ಕೊಡಬೇಕು ಒರಿಜಿನಲ್ ಬಾಂಡ್ ಕಳೆದುಹೋಗಿದ್ರೆ ಏನ್ಮಾಡ್ಬೇಕು ಅನ್ನೋದನ್ನ ಬಿಡಿಸಿ ಹೇಳ್ತೀನಿ, ಪೂರ್ತಿಯಾಗಿ ಓದಿ.
ಅಂದು ಇಟ್ಟಿದ್ದ ಸಣ್ಣ ಗಂಟು, ಇಂದು ಎಷ್ಟು ಲಕ್ಷ ಆಗಿದೆ ಗೊತ್ತಾ
2006ರಲ್ಲಿ ಸಮ್ಮಿಶ್ರ ಸರ್ಕಾರ ಈ ಯೋಜನೆ ತಂದಾಗ, ಮೊದಲನೇ ಹೆಣ್ಣುಮಗು ಹುಟ್ಟಿದ್ರೆ ಆ ಮಗುವಿನ ಹೆಸರಿನಲ್ಲಿ 19,300 ರೂಪಾಯಿಗಳನ್ನ ಫಿಕ್ಸ್ಡ್ ಡೆಪಾಸಿಟ್ Fixed Deposit ರೀತಿ ಬ್ಯಾಂಕಲ್ಲಿ ಇಟ್ಟಿತ್ತು. ಆ ಮಗುವಿಗೆ ಈಗ 18 ವರ್ಷ ತುಂಬಿದೆಯಲ್ಲಈಗ ಆ ಹಣ ಬರೋಬ್ಬರಿ 1 ಲಕ್ಷ ರೂಪಾಯಿಗಳಿಗೂ ಹೆಚ್ಚು ಮೊತ್ತವಾಗಿ ಬೆಳೆದು ನಿಂತಿದೆ
ಅದೇ ರೀತಿ, ನಿಮ್ಮ ಮನೇಲಿ ಎರಡನೇ ಹೆಣ್ಣುಮಗು ಹುಟ್ಟಿದ್ದಾಗಲೂ ನೀವು ಬಾಂಡ್ ಪಡೆದಿದ್ರೆ, ಅವತ್ತು ಸರ್ಕಾರ 18,350 ರೂಪಾಯಿ ಇಟ್ಟಿತ್ತು. ಈಗ ಆ ಹಣ ಕೂಡ ಮೆಚುರಿಟಿ ಆಗಿದ್ದು, ಅದೂ ಸಹ ಸುಮಾರು 1 ಲಕ್ಷ ರೂಪಾಯಿಗಳ ತನಕ ಕೈಸೇರಲಿದೆ. ಒಟ್ಟು 1,52,000 ವರೆಗೂ ಬರುವ ಸಾಧ್ಯತೆ ಇದೆ.
ಅಂದ್ರೆ, ನಿಮ್ಮ ಮನೇಲಿ ಇಬ್ಬರು ಹೆಣ್ಣುಮಕ್ಕಳಿದ್ದು, ಇಬ್ಬರಿಗೂ 2006-07ರಲ್ಲಿ ಬಾಂಡ್ ಪಡೆದಿದ್ರೆ, ಈಗ ನಿಮ್ಮ ಕೈಗೆ ಸುಮಾರು 2 ಲಕ್ಷ ರೂಪಾಯಿಗಳಷ್ಟು ದೊಡ್ಡ ಮೊತ್ತ ಸಿಗಲಿದೆ ಇದು ಸಣ್ಣ ಮಾತಲ್ಲ ಅಲ್ವಾ
ಇದನ್ನೂ ಓದಿ: ನಮ್ಮ ಹೊಲ ನಮ್ಮ ಹಕ್ಕು ಹದ್ದುಬಸ್ತು ಮಾಡ್ಸಿದಾಗ ಜಮೀನು ಒತ್ತುವರಿಯಾಗಿದ್ರೆ ವಾಪಸ್ ಪಡೆಯೋದು ಹೆಂಗೆ ಸಂಪೂರ್ಣ ಮಾಹಿತಿ
ಯಾರ್ ಯಾರಿಗೆ ಸಿಗುತ್ತೆ ಈ ಹಣ? ಈಗ ನಾವೇನು ಮಾಡ್ಬೇಕು
ರಾಜ್ಯಾದ್ಯಂತ ಸುಮಾರು 34 ಲಕ್ಷಕ್ಕೂ ಹೆಚ್ಚು ಜನ ಈ ಬಾಂಡ್ ಪಡೆದಿದ್ದಾರೆ. ಅದರಲ್ಲಿ ಈಗ ಸದ್ಯಕ್ಕೆ ಸುಮಾರು 2 ಲಕ್ಷದ 30 ಸಾವಿರ ಹೆಣ್ಣುಮಕ್ಕಳಿಗೆ 18 ವರ್ಷ ತುಂಬಿದ್ದು, ಅವರಿಗೆಲ್ಲ ಈ ಹಣ ಸಿಗಲು ಶುರುವಾಗಿದೆ.
ಆದರೆ, ನಮ್ಮ ಹತ್ರ ಬಾಂಡ್ ಇದೆ, ಬ್ಯಾಂಕಿಗೆ ಹೋದ್ರೆ ದುಡ್ಡು ಕೊಟ್ಬಿಡ್ತಾರೆ ಅಂತ ಅನ್ಕೋಬೇಡಿ. ಸರ್ಕಾರ ಈ ಹಣ ನಿಮ್ಮ ಕೈಗೆ ಸುರಕ್ಷಿತವಾಗಿ ಸೇರಬೇಕು ಅಂತ ಕೆಲವೊಂದು ಪಕ್ಕಾ ನಿಯಮಗಳನ್ನ ಮಾಡಿದೆ. ಈ ನಿಯಮಗಳನ್ನ ಪಾಲಿಸಿದ್ರೆ ಮಾತ್ರ ಹಣ ನಿಮ್ಮ ಅಕೌಂಟಿಗೆ ಜಮಾ ಆಗುತ್ತೆ.
ಹಣ ಪಡೆಯಲು ನೀವು ಮೊದಲು ನಿಮ್ಮ ತಾಲೂಕಿನ ಮಹಿಳಾ ಮತ್ತು ಮಕ್ಕಳ ಕಲ್ಯಾಣ ಇಲಾಖೆಯ ಕಚೇರಿಗೆ CDPO ಆಫೀಸ್ ಭೇಟಿ ನೀಡಬೇಕಾಗುತ್ತೆ. ಅಲ್ಲಿಗೆ ಹೋಗುವಾಗ ಖಾಲಿ ಕೈಯಲ್ಲಿ ಹೋದ್ರೆ ಆಗಲ್ಲ, ಕೈಯಲ್ಲಿ ಏನೇನು ಕಾಗದ-ಪತ್ರ ಇರಬೇಕು ಅಂತ ಕೆಳಗೆ ಪಟ್ಟಿ ಮಾಡಿದ್ದೀನಿ ನೋಡಿ.
ಹಣ ಪಡೆಯಲು ಬೇಕಾಗುವ ಕಾಗದ-ಪತ್ರಗಳು ಯಾವುವು?
ನೀವು ಸಿಡಿಪಿಓ (CDPO) ಆಫೀಸಿಗೆ ಹೋಗುವಾಗ ಈ ಕೆಳಗಿನ ದಾಖಲೆಗಳನ್ನ ಮರೆಯದೆ ಜೊತೆಯಲ್ಲಿ ತಗೊಂಡು ಹೋಗಿ:
-
ಒರಿಜಿನಲ್ ಬಾಂಡ್ (Original Bond): ಅವತ್ತು ಸರ್ಕಾರ ಕೊಟ್ಟಿದ್ದ ಭಾಗ್ಯಲಕ್ಷ್ಮಿ ಬಾಂಡಿನ ಅಸಲು ಪ್ರತಿ ಕಡ್ಡಾಯವಾಗಿ ಬೇಕೇ ಬೇಕು.
-
ಆಧಾರ್ ಕಾರ್ಡ್ (Aadhaar Card): ಮಗಳ ಹಾಗೂ ತಂದೆ-ತಾಯಿಯ ಆಧಾರ್ ಕಾರ್ಡ್ ನಕಲು ಜೆರಾಕ್ಸ್ ಪ್ರತಿ.
-
ಬ್ಯಾಂಕ್ ಅಕೌಂಟ್ (Bank Account): ಮಗಳ ಹೆಸರಿನಲ್ಲಿರುವ ಚಾಲ್ತಿಯಲ್ಲಿರುವ Active ಬ್ಯಾಂಕ್ ಪಾಸ್ ಬುಕ್, ಹಾಗೂ ಬ್ಯಾಂಕಿನ ಐಎಫ್ಎಸ್ಸಿ (IFSC) ಕೋಡ್.
-
ಬಿಪಿಎಲ್ ಕಾರ್ಡ್ (BPL Card): ಬಡತನ ರೇಖೆಗಿಂತ ಕೆಳಗಿರುವ ಕುಟುಂಬದವರಿಗೆ ಮಾತ್ರ ಈ ಯೋಜನೆ ಇರೋದ್ರಿಂದ, ಬಿಪಿಎಲ್ ರೇಷನ್ ಕಾರ್ಡ್ ಜೆರಾಕ್ಸ್ ಕಡ್ಡಾಯ.
-
ಶಾಲೆಯ ಸರ್ಟಿಫಿಕೇಟ್ (School Certificate): ಹೆಣ್ಣುಮಗು ಕನಿಷ್ಠ 8ನೇ ತರಗತಿಯವರೆಗಾದರೂ ಓದಿರಲೇಬೇಕು! ಅದಕ್ಕೆ ಸಾಕ್ಷಿಯಾಗಿ 8ನೇ ಕ್ಲಾಸ್ ಓದಿರುವ ಬಗ್ಗೆ ಶಾಲೆಯ ದೃಢೀಕರಣ ಪತ್ರ ಬೇಕು.
-
ಜಂಟಿ ಫೋಟೋ: ತಂದೆ-ತಾಯಿ ಹಾಗೂ ಮಕ್ಕಳ ಜೊತೆಗಿರುವ ಫೋಟೋ.
ನಮ್ಮ ಒರಿಜಿನಲ್ ಬಾಂಡ್ ಕಳೆದುಹೋಗಿದ್ಯಾ? ಚಿಂತೆ ಬಿಡಿ
ನಮ್ಮ ಹಳ್ಳಿಯ ಜನರಿಗೆ ಇದೊಂದು ದೊಡ್ಡ ತಲೆನೋವು. ಅಯ್ಯೋ ಶಿವನೇ, 18 ವರ್ಷದ ಹಿಂದಿನ ಬಾಂಡ್ ಎಲ್ಲಿಟ್ಟಿದ್ದೆವೋ ನೆನಪಿಲ್ಲ, ಇಲಿ ಕಡಿದು ಹಾಳಾಗಿದೆಯೋ, ಇಲ್ಲ ಮನೆ ಬದಲಾಯಿಸುವಾಗ ಕಳೆದುಹೋಯ್ತೋ ಈಗ ನಮ್ಗೆ ದುಡ್ಡು ಸಿಗಲ್ವಾ ಅಂತ ಬಹಳ ಜನ ಭಯಪಡ್ತಾರೆ.
ಖಂಡಿತ ಭಯ ಬೇಡ, ಅದಕ್ಕೂ ಒಂದು ದಾರಿ ಇದೆ ನಿಮ್ಮ ಬಾಂಡ್ ಕಳೆದುಹೋಗಿದ್ರೆ, ಕೂಡಲೇ ನಿಮ್ಮ ಹತ್ತಿರದ ಪೊಲೀಸ್ ಸ್ಟೇಷನ್ ಗೆ ಹೋಗಿ ನಮ್ಮ ಬಾಂಡ್ ಕಳೆದುಹೋಗಿದೆ ಅಂತ ಒಂದು ಕಂಪ್ಲೇಂಟ್ (FIR) ಕೊಡಿ. ಪೊಲೀಸರ ಬಳಿ ಹೋಗೋಕೆ ಹೆದರಬೇಡಿ, ಇದು ಬರೀ ಕಾಗದ ಕಳೆದುಹೋಗಿದೆ ಅನ್ನೋ ಸಾಮಾನ್ಯ ದೂರು ಅಷ್ಟೇ.
ಆ ಕಂಪ್ಲೇಂಟ್ ಕಾಪಿಯನ್ನ ತೆಗೆದುಕೊಂಡು ತಾಲೂಕಿನ ಸಿಡಿಪಿಓ (CDPO) ಕಚೇರಿಗೆ ಹೋಗಿ. ಅಲ್ಲಿ ಅಧಿಕಾರಿಗಳು ತಮ್ಮ ಕಂಪ್ಯೂಟರ್ ಅಥವಾ ಹಳೆಯ ಬುಕ್ ತೆಗೆದು, ನಿಮ್ಮ ಹೆಸರು ಹಾಗೂ ಲಿಸ್ಟ್ ಅನ್ನ ಚೆಕ್ ಮಾಡ್ತಾರೆ. ಎಲ್ಲವೂ ಸರಿ ಇದ್ದರೆ, ನಿಮಗೆ ಆ ಬಾಂಡ್ನ ನಕಲು ಪ್ರತಿ (Duplicate copy) ಕೊಟ್ಟು ಹಣ ಸಿಗುವಂತೆ ಸಹಾಯ ಮಾಡ್ತಾರೆ.
ಇದನ್ನೂ ಓದಿ: ಭರ್ಜರಿ ಗುಡ್ ನ್ಯೂಸ್ 11E ಸ್ಕೆಚ್ ಅಂದ್ರೇನು ಕೃಷಿ ಜಮೀನಿಗೂ ಸರ್ಕಾರದ ಪ್ಲಾನ್ ರಿಜಿಸ್ಟ್ರೇಷನ್ಗೆ ಇದು ಯಾಕೆ ಕಡ್ಡಾಯ
ಹೆಸರಿನಲ್ಲಿ ಏನಾದರೂ ಬದಲಾವಣೆ ಆಗಿದ್ಯಾ?
ಕೆಲವೊಮ್ಮೆ ಮಗು ಹುಟ್ಟಿದಾಗ ಒಂದು ಹೆಸರಿಟ್ಟಿರ್ತೀವಿ, ಶಾಲೆಗೆ ಸೇರಿಸುವಾಗ ಬೇರೆ ಹೆಸರಿಟ್ಟಿರ್ತೀವಿ. ತಂದೆ-ತಾಯಿಯ ಹೆಸರಿನಲ್ಲೂ ಸ್ವಲ್ಪ ಬದಲಾವಣೆ ಆಗಿರಬಹುದು. ಹೀಗಿದ್ದಾಗಲೂ ನೀವು ಸಿಡಿಪಿಓ ಕಚೇರಿಗೆ ಹೋಗಿ, ಸರಿಯಾದ ದಾಖಲೆಗಳನ್ನ ಕೊಟ್ಟು ಅವರಿಂದ ದೃಢೀಕರಣ (Confirmation) ಪತ್ರ ಪಡೀಬೇಕು.
ಒಂದು ವೇಳೆ ಯಾರಾದರೂ ಹೆಣ್ಣುಮಗುವನ್ನ ದತ್ತು (Adopt) ಪಡೆದಿದ್ದರೆ, ದತ್ತು ಪಡೆದ ಪೋಷಕರು ಕೂಡ ಕಾನೂನುಬದ್ಧವಾದ ಕಾಗದ ಪತ್ರಗಳನ್ನ ತೋರಿಸಿ, ಅಧಿಕಾರಿಗಳಿಂದ ದೃಢೀಕರಣ ಮಾಡಿಸಿಕೊಳ್ಳಬೇಕು.
ನೆನಪಿರಲಿ: ಈ ನಿಯಮಗಳು ಪಕ್ಕಾ ಇರಬೇಕು!
ಸರ್ಕಾರ ಸುಮ್-ಸುಮ್ಮನೆ ಹಣ ಕೊಡಲ್ಲ. ಹೆಣ್ಣುಮಕ್ಕಳು ಚೆನ್ನಾಗಿ ಓದಬೇಕು, ಅವರ ಮೇಲೆ ದೌರ್ಜನ್ಯ ಆಗಬಾರದು, ಸಮಾಜದಲ್ಲಿ ಅವರು ತಲೆ ಎತ್ತಿ ನಿಲ್ಲಬೇಕು ಅನ್ನೋದು ಈ ಯೋಜನೆಯ ಮುಖ್ಯ ಉದ್ದೇಶ. ಹಾಗಾಗಿ ಈ ಕೆಳಗಿನ ನಿಯಮಗಳು ಕಡ್ಡಾಯವಾಗಿ ಪಾಲನೆ ಆಗಿರಬೇಕು:
-
ಆದಾಯದ ಮಿತಿ: ನಿಮ್ಮ ಕುಟುಂಬದ ವಾರ್ಷಿಕ ಆದಾಯ 1 ಲಕ್ಷದ 20 ಸಾವಿರದಿಂದ 2 ಲಕ್ಷ ರೂಪಾಯಿಗಳ ಒಳಗೆ ಇರಬೇಕು.
-
ಶಿಕ್ಷಣ ಕಡ್ಡಾಯ: ಮಗು ಕನಿಷ್ಠ 8ನೇ ತರಗತಿಯವರೆಗಾದರೂ ಓದಿರಲೇಬೇಕು. ಓದಿಲ್ಲ ಅಂದ್ರೆ ಈ ಹಣ ಸಿಗಲ್ಲ.
-
ಬಾಲ್ಯ ವಿವಾಹ ನಿಷೇಧ: ಯಾವುದೇ ಕಾರಣಕ್ಕೂ ಹೆಣ್ಣುಮಗುವಿಗೆ 18 ವರ್ಷ ತುಂಬುವ ಮುನ್ನ ಮದುವೆ ಮಾಡಿರಬಾರದು. ಬಾಲ್ಯ ವಿವಾಹ ಮಾಡಿದ್ರೆ, ಈ ಬಾಂಡ್ ಪೂರ್ತಿಯಾಗಿ ಕ್ಯಾನ್ಸಲ್ ಆಗುತ್ತೆ!
-
ಬಾಲಕಾರ್ಮಿಕ ಪದ್ಧತಿ: ಮಗುವನ್ನ ಶಾಲೆಗೆ ಕಳಿಸದೆ, ಸಣ್ಣ ವಯಸ್ಸಿನಲ್ಲೇ ಕೂಲಿ ಕೆಲಸಕ್ಕೆ ಕಳಿಸಿದ್ದರೆ ಅಂಥವರಿಗೂ ಈ ಹಣ ಸಿಗೋದಿಲ್ಲ.
ಹಣ ಎಷ್ಟು ದಿನದಲ್ಲಿ ಕೈಗೆ ಸೇರುತ್ತೆ?
ನೀವು ಈ ಎಲ್ಲಾ ಕಾಗದ ಪತ್ರಗಳನ್ನ ಸರಿಯಾಗಿ ನಿಮ್ಮ ತಾಲೂಕಿನ ಸಿಡಿಪಿಓ ಕಚೇರಿಗೆ ಕೊಟ್ಟರೆ, ಅಧಿಕಾರಿಗಳು ಅದನ್ನೆಲ್ಲಾ ಸೂಕ್ಷ್ಮವಾಗಿ ಚೆಕ್ ಮಾಡ್ತಾರೆ. ಬಾಂಡ್ ಕೊಟ್ಟ ದಿನಾಂಕ (Date of Issue) ನೋಡಿ 18 ವರ್ಷ ತುಂಬಿದೆಯಾ ಅಂತ ಖಚಿತಪಡಿಸಿಕೊಳ್ತಾರೆ.
ನಿಮ್ಮ ಕಾಗದ ಪತ್ರಗಳೆಲ್ಲವೂ ಪಕ್ಕಾ ಆಗಿದ್ದರೆ, ಕೇವಲ ಒಂದು ತಿಂಗಳ ಒಳಗಾಗಿ (1 month) ಮೆಚುರಿಟಿ ಆದಂತಹ ಆ ಲಕ್ಷಾಂತರ ರೂಪಾಯಿ ಹಣ ನೇರವಾಗಿ ನಿಮ್ಮ ಮಗಳ ಬ್ಯಾಂಕ್ ಅಕೌಂಟಿಗೆ ಬಂದು ಬೀಳುತ್ತೆ. ಈಗಾಗ್ಲೇ ಈ ಪ್ರಕ್ರಿಯೆ ಶುರುವಾಗಿದ್ದು, ಜನರಿಗೆ ಹಣ ಸಿಗಲು ಆರಂಭವಾಗಿದೆ. ನೀವು ಕೂಡಲೇ ನಿಮ್ಮ ಹಳೆಯ ಪೆಟ್ಟಿಗೆಯಲ್ಲಿದ್ದ ಬಾಂಡ್ ಅನ್ನ ಒಮ್ಮೆ ಹುಡುಕಿ, ತಯಾರಾಗಿರಿ.
ಇದನ್ನೂ ಓದಿ: ಸ್ವಂತ ಜಮೀನಿಲ್ಲ ಗುಂಟೆಜಾಗವಿಲ್ಲ ಆದರೂ ಹಸು ಸಾಕಿ ತಿಂಗಳಿಗೆ 3 ಲಕ್ಷ ದುಡಿಯುವ ಹಳ್ಳಿ ಹುಡುಗನ ಅಸಲಿ ಕಥೆ
ಮಗಳ ದುಡ್ಡುಅವಳ ಭವಿಷ್ಯಕ್ಕೆ ಮಾತ್ರ
ನೋಡಿ ಅಣ್ಣ-ತಮ್ಮಂದಿರೇ, ಈ ಹಣ ಬಂದಿರೋದು ನಿಮ್ಮ ಹೆಣ್ಣುಮಗಳ ಭವಿಷ್ಯಕ್ಕಾಗಿ. ದಯವಿಟ್ಟು ಈ ಹಣವನ್ನ ತಗೊಂಡು ಹೋಗಿ ಬೇರೆ ಯಾವುದೋ ಹಳೇ ಸಾಲ ತೀರಿಸೋಕೋ, ಇನ್ನೇನಕ್ಕೋ ಬಳಸಬೇಡಿ.
ಮಗಳ ಮುಂದಿನ ಹೆಚ್ಚಿನ ವಿದ್ಯಾಭ್ಯಾಸಕ್ಕೆ ಈ ಹಣ ಬಳಸಿ, ಅವಳನ್ನ ವಿದ್ಯಾವಂತಳನ್ನಾಗಿ ಮಾಡಿ. ಅಥವಾ, ಮಗಳಿಗೆ 21 ವರ್ಷ ತುಂಬಿದ ಮೇಲೆ ಅವಳ ಮದುವೆ ಕಾರ್ಯಕ್ಕೆ ಈ ಹಣವನ್ನ ಖರ್ಚು ಮಾಡಿ. ಆ ಮಹಾಲಕ್ಷ್ಮಿಯ ಭವಿಷ್ಯ ಉಜ್ವಲವಾಗಲಿ, ಅವಳು ಸ್ವಾವಲಂಬಿಯಾಗಿ ಬದುಕಲಿ ಅನ್ನೋದೇ ನಮ್ಮೆಲ್ಲರ ಆಶಯ.
ಏನ್ರೀ, ಮಾಹಿತಿ ಇಷ್ಟ ಆಯ್ತಾ ಹಾಗಾದ್ರೆ ತಡ ಯಾಕೆ, ನಿಮ್ಮ ಅಕ್ಕ-ಪಕ್ಕದ ಮನೆಯವರಿಗೂ, ನೆಂಟರಿಗೂ, ಊರಿನಲ್ಲಿ ಭಾಗ್ಯಲಕ್ಷ್ಮಿ ಬಾಂಡ್ ಮಾಡಿಸಿರುವ ಎಲ್ಲರಿಗೂ ಈ ಲೇಖನವನ್ನ ಶೇರ್ ಮಾಡಿ. ಅವರಿಗೂ ಸಹಾಯ ಆಗ್ಲಿ